DGEMs

Maluk sira mak Kristu hadomi,

"Fatin sagradu adorasaun nian":Jesus hirus tebes tanba troka osan sira ne'ebé bosok iha templu sagradu ba adorasaun. Reflete; “Espasu sagradu ba kultu iha Igrejaida, altár iha ita-nia uma; prezerva ‘dignidade’ no ‘reverénsia’ ne’ebé presiza;iha ita-nia adorasaun ba Maromak.Distinsaun sira hanesan ne’e tulun ita atu hakle’an liu tan ita-nia konxiénsia kona-bá Maromak nia prezensa iha ita-nia moris.

Jesus hamos templu

13Besik dau-daun ona Judeu sira nia Paskua, Jesus sa’e ba Jerusalem. 14Iha templu laran, Nia hetan ema ne’ebé fa’an karau, bibi no falur, ho ema sira ne’ebé troka osan tur hela iha sira nia meja. 15Nia bobar tali hamutuk, hodi duni sai housi templu bibi no karau sira. Nia halo namtate ba rai ema troka osan sira nia osan, hodi taka fila meja sira. 16Ba sira ne’ebé fa’an falur, Nia dehan: “Hasai buat hirak ne’e housi ne’e: keta halo Ha’u Aman nia uma sai uma kontratu nian.” 17Eskolante sira hanoin kedas liafuan ne’ebé hakerek: “Tan laran manas tau matan ba Ita Boot nia uma, mak Ha’u lakon Ha’u an.” 18Judeu sira husu ba nia: “Sinal ne’ebé mak O fo mai ami atu hatudu katak  O bele halo nune’e?” 19Jesus hatan ba sira dehan: “Sobu tiha templu ne’e, Ha’u sei harii fali nia iha loron tolu nia laran.”