DGEMs

Maluk sira mak Kristu hadomi,

“Domin ba Maromak”: Jesus haklaken “aiknanoik kona-bá atan na’in sanulu” atu fó hanoin ba nia eskolante sira atu matan-moris iha moris sira-nia fiar nian; iha liafoun diak salvasaun rohan laek. Reflete; “Ita tenke moris tuir ita-nia fiar, tanba ita-nia domin ba Maromak, no laos tanba ta’uk Maromak nia kastigu sira. Ita-nia fiar nia matan-moris labele haketak husi ita-nia domin ba Maromak nia kle’an.”

Aiknanoik fetoran sanulu nian

1“Reinu lalehan nian sei hanesan fetoran sanulu ne’ebé kaer tiha nia ahi oan hodi ba hasouru noivu. 2Sira na’in lima beik, na’in lima seluk matenek. 3Sira ne’ebé beik lori sira nia ahi oan, maibé la lori mina; 4sira ne’ebé matenek lori mos mina iha botil, hamutuk ho sira nia ahi oan. 5Noivu la mai lalais; sira matan dukur no toba ona. 6Maibé iha kalan fahe rua, ema hakilar: ‘Noivu mai ona, imi ba hasouru nia!’ 7Fetoran sira hotu hader hodi hadia sira nia ahi oan. 8Fetoran beik sira dehan ba matenek sira: ‘Fo imi nia mina uitoan mai ami, basa ami nia ahi oan atu mate dau-daun.’ 9Maibé matenek sira hatan: “Keta la to’o ba ami no ba imi, diak liu imi ba sira ne’ebé fa’an hodi sosa ba imi nia an rasik.’ 10Wainhira sira ba sosa, noivu to’o mai, no sira ne’ebé prontu ona tama hamutuk ho nia ba festa kaben nian, no ema taka tiha odamatan. 11Tuir mai, fetoran sira seluk mos to’o mai dehan: ‘Na’i, Na’i, loke odamatan mai ami!’ 12Maibé nia hatan: ‘Tebes, Ha’u dehan ba imi katak ha’u la hatene imi.’ 13Ne’e duni, imi matan moris neon na’in, basa imi la hatene loron ka oras.”