31ª Semana Tempu Komun: Tersa-feira, loron 03, fulan Novembru, 2026, November 3, 2026

Reflection on the WORD

Maluk sira mak Kristu hadomi,

"Agradesimentu ba Maromak?": Jesus haklaken "aiknanoik kona-bá konvite banquete nian" hodi fó hanoin ba ema lubun katak ita nunka bele konsidera Maromak nia domin no mizerikórdia hanesan buat baibain. Reflete; “bainhira ita lakon sentidu kona-bá Maromak nia bensaun barak mai ita; no foti prezente divinu fiar, esperansa no domin ba buat baibain, ita sei lakon duni sentidu lolos moris.

Lk 14:16-18a,21-24

Aiknanoik Festa Boot Nian

16Jesus hatan ba nia: “Ema ida halo festa boot hodi konvida ema barak. 17Iha oras atu han nia haruka nia atan atu hateten ba sira: ‘Mai ona, buat hotu hadia tiha ona.’ 18Maibé sira hotu hahu dehan buat oi-oin. Ida uluk dehan ba nia: ‘Ha’u foin sosa rai no ha’u sei ba haré nia; ha’u husu diskulpa.’ 21Atan ne’e fila fali hodi haktuir buat hirak ne’e ba nia na’in. Tuir mai, uma na’in hirus, hodi dehan ba nia atan: ‘Sai lalais ba prasa no dalan sira sidade nian, hodi lori mai iha ne’e ema kiak sira, ema kbiit laek, ema matan delek no ema ain aat sira.’ 22La kleur atan ne’e fila fali, hodi dehan ba nia: ‘Na’i, buat ne’ebé Ita haruka, halo tiha ona, maibé fatin sei iha.’ 23Uma na’in dehan fali ba nia atan: ‘Ba liu housi dalan no to’os sira hodi obriga ema atu tama, atu ha’u nia uma sai nakonu. 24Basa ha’u dehan ba imi katak, housi sira ne’ebé ha’u konvida uluk, ida mos sei la koko ha’u nia festa.’”

Today's Pointers on God's Word

As you read the passage what words, phases or meanings caught your attention?

  • Konvite ba “festa boot” ne’e simboliza konvite Maromak nian atu sai ida de’it ho Nia iha Nia domin.
  • Buat ne'ebé triste liu iha moris mak moris to'o katuas no hateke ba kotuk no realiza katak ita la halo buat ida ba ema seluk tamba ita preokupa liu ho ita nia nesesidade rasik.
  • Ha'u brani atu dehan "sim" ba Maromak nia konvite ba moris ida ne'ebé klean liu no nakonu liu ho Nia, atu serbí Nia iha ema moras sira nia leet, ema sira ne'ebé iha depresaun nia laran, atu husik ha'u nia toman aat sira no atu sai komprometidu liu tan ba ha'u nia moris orasaun nian?