30ᵃ Semana Tempu Komun: Sabadu, loron 31, fulan Outubro, 2026, October 31, 2026

Reflection on the WORD

Maluk sira mak Kristu hadomi,

“Humildade ka Buka Glória ba-An Rasik” – Fiar: Jesus hanorin ho “Parábola kona-bá Festa Kazamentu ida” ba farizeu sira, ne'ebé buka tur iha fatinonra nian no buka “glória ba-an rasik.” Reflete; “Ita nia hamlaha hodi buka ‘glória ba an rasik’ hatudu ita-nia inseguransa; iha sorin seluk, virtude humildade hodi hadomi Maromak revela ita nia relasaun profunda ho Jesus iha ita nia moris.

Lk 14:1, 7-11

1Iha loron Sabadu ida, Jesus tama iha fariseu boot ida nia uma atu han. Sira hotu hateke ba Nia.  7Hare tiha oin sa bainaka balun fihir tur fatin diak, Jesus haktuir ba sira aiknanoik ida ne’e: 8“Ema ruma konvida karik o ba festa kaben ida, keta tur iha meja ulun; keta uma na’in konvida ema boot liu o karik; 9hafoin, ema ne’ebé konvida imi na’in rua sei dehan ba o: ‘Fo lai fatin ba ema ne’e.’ Nune’e o sei moe boot, hodi ba tur iha fatin ikus liu. 10Maibe wainhira ema konvida o, ba tur iha fatin ikus liu; nune’e, wainhira ema ne’ebé konvida o to’o mai, nia sei dehan ba o: ‘Belun, mai tur liu leten.’ Nune’e ema hotu ne’ebé tur hamutuk iha meja sei hahi o. 11Basa ema ne’ebé foti an, Na’i sei hatun nia; no ema ne’ebé haraik an, Na’i sei foti nia.”

Today's Pointers on God's Word

As you read the passage what words, phases or meanings caught your attention?

  • Iha Evangelho ohin, Jesus fo hanoin Fariseu sira atu moris ho umildade iha sira-nia moris loroloron.
  • Jesus hanorin sira atu hatene katak tenke simu realidade moris nian: maski ita iha pozisaun sosial ne’ebé aas, ita presiza konsiente nafatin katak iha ema seluk ruma ne’ebé bele iha pozisaun aas liután. Tanba ne’e, di’ak atu ita humilde hodi simu no rekonese realidade moris nian, atu nune’e ita bele adjusta ita nia-an tuir kontextu ne’ebé mak iha ita nia moris. 
  • Kualidade ka benefisiu husi Umildade mak nia tulun ita atu nakloke-an no aprende atu kria relasaun ne’ebé diak ho Jesus. Ita nia urgulho pessoal sira mak hamenus ita nia konfiansa iha Maromak atu tau matan ba ita.