30ᵃ Semana Tempu Komun: Sexta-Feira, loron 30, fulan Outubro, 2026, October 30, 2026

Reflection on the WORD

Maluk sira mak Kristu hadomi,

“Domin Lolos” – Fiar:Jesus kura feto ida ne'ebé moras iha loron Sábadu; no tanba ne'e Nia viola ka la obedese Lei Judeu sira nian kona-bá Sabadu. Reflete; “Se ita-nia pratika fiar, esperansa no domin ba Maromak ho seriedade: ita-nia moris tenki hatudu testemuñu ba Jesus nia Kompaixaun, Miserikórdia no Domin, hanesan exemplu ne’ebé Nia hanorin ona ita. Ita hetan esperiénsia hanesan ne'e iha dezafiu sira ne’ebé ita enfrenta kada loron kona ita nia fiar?

Lk 14:1-6

1Iha loron Sabadu ida, Jesus tama iha fariseu boot ida nia uma atu han. Sira hotu hateke ba Nia. 2Ema moras isin bubu ida mai hamriik iha nia oin. 3Jesus hateten ba ukun na’in no fariseu sira: “Iha loron Sabadu bele fo isin diak ba ema moras, ka lae?” 4Sira nonok deit. Tuir mai, kaer tiha ema moras nia liman, Jesus fo isin diak ba nia hodi haruka nia ba. 5Hafoin nia dehan ba sira: “Iha imi nia le’et, se mak la dada sai nia kuda burro ka nia karau ne’ebé monu iha be matan, maski iha loron Sabadu?” 6Sira la bele hatan buat ida kona ba ne’e.

Today's Pointers on God's Word

As you read the passage what words, phases or meanings caught your attention?

  • Iha Evangelho ohin, Jesus dezafia Fariseu sira hodi examina sira nia maneira de obedese Lei Judaika ne’ebé la konsistent ho espiritu ne’ebé Lei hanorin. Oinsa mak kura ema ida ne’ebé moras ne’e kontra Maromak nia ukunfuan wainhira Maromak hanorin atu ita tau matan ba malu? 
  • Jesus esklarese no revela ba sira nia maneira aplika Lei Sabadu nian ho rigor maibe la razoavel, tamba deit atu obedese ba Lei Sabadu nian, sira lakon oportunidade atu hatudu misericórdia no kompaixaun Maromak nian ba ema seluk ne’ebé presiza los Maromak nia bensaun. 
  • Iha momentu balun, ita mos bele sente tauk no lakohi halo kompromisu, maski ita iha situasaun ne’ebé ita tenke halo buat di’ak dunik ba ema seluk? Ezemplu, perdoa ema ne’ebé hakanek ha’u tamba ha’u hakarak kontribui ba unidade no dame iha ita nia familia nian laran.