DGEMs

Maluk sira mak Kristu hadomi,

“Korajen, Lialos, Domin” – Fiar: Jesus haklaken Liafuan Di'ak Salvasaun nian ba ema multidaun ho Korajen no Kompromisu boot, tamba Domin ba Nia Aman nia Vontade atu lori salvasaun ba ema hothotu. Reflete; “Ita-nia domin ba Maromak no dezeju atu servi Nia Reinu bot liu ita-nia hakarak ba rikusoin mundu nian, glória ba-an no satisfasaun ba-an rasik?”

31Iha loron neba, fariseu balun mai hodi dehan ba Nia: “Sai tiha housi ne’e, basa Herodes hakarak oho Ita.” 32Nia hatan ba sira: “Imi la’o ba, hodi dehan ba asu fuik ne’e: ‘Ha’u duni sai diabu sira, hodi fo isin diak ba ema ohin no aban; no bainrua Ha’u nia knaar hotu ona. 33Maibe ohin, aban no bainrua Ha’u sei tuir Ha’u nia dalan: basa profeta ida la bele mate iha Jerusalem liur. 34Jerusalem, Jerusalem, ne’ebé oho profeta sira no tuda sira ne’ebé Na’i haruka ba o! Dala hira ona Ha’u buka atu halibur o nia oan sira, hanesan manu inan tau nia oan sira iha nia liras okos, maibe o lakohi! 35Tebes, ema sei hamamuk imi nia uma. Maibe Ha’u dehan ba imi katak imi sei la hare tan Ha’u to’o loron ne’ebé imi sei dehan: ‘Rahun diak ba Ida ne’ebé mai hodi Na’i nia naran!’”