30ᵃ Semana Tempu Komun: Tersa-Feira, loron 27, fulan Outubro, 2026, October 27, 2026
Reflection on the WORD
Maluk sira mak Kristu hadomi,
“Maromak nia Reinu– Fini Mostarda” – Fiar: Jesus haklaken katak “Maromak nia Reinu” hanesan fini mostarda; fini ne'ebé ki'ik liu fini sira seluk. Maibé nia bele moris no sai ai boot ida ne'ebé manu fuik sira bele hamahan-an iha ai ne’e. Reflete; “Maromak nia Lialos, Domin no Esperansa hahu moris hanesan roman ki’ik ida iha ita-nia fuan; maibé wainhira nia bot, nia bele leno mundu tomak ho Maromak nia Domin. Ida ne’e bele akontese, se ita moris tuir Maromak nia Vontade ho fidelidade.”
Lk 13:18-21
18Hafoin Nia dehan: “Maromak nia reinu hanesan sa ida los, eh Ha’u sei tanesan nia ho sa ida? 19Nia hanesan mustarda musan ne’ebé ema ida kaer hodi kuda iha nia to’os. Musan ne’e moris hodi sai aihun boot ida, manu sira housi lalehan mai tur iha nia sanak sira.” 20Nia dehan tan: “Ha’u sei tanesan Maromak nia reinu ho sa ida los? 21Nia hanesan fermentu ne’ebé feto ida tau iha farina sasukat tolu, to’o masa tomak sa’e.”
Today's Pointers on God's Word
As you read the passage what words, phases or meanings caught your attention?
- Maromak nia Reinu hahú moris no buras iha ita-nia fuan hanesan fini mostarda ki’ik ida. Ita presiza tau matan atu nia bele krexe no sai maduru iha ita-nia koñesimentu kona-bá Maromak, no mos ita bele sai instrumentu Maromak nian atu lori bensaun ba ema seluk.
- Ita presiza reza nafatin, atu husik Maromak nia Reinu ha-abut iha ita nia fuan, no buka Maromak iha Eukaristia lorloron bele haburas no hametin ita nia fiar hodi bele moris ho fo fuan barak.
-
Bainhira ita nakloke-an ba Espíritu Santu, ita-nia moris sei hetan transformasaun liuhusi Espiritu Santu Nia kbiit ne’ebé hela iha ita-nia fuan. Oinsá mak ita tau matan no haburas Espíritu Santu iha ita-nia moris lorloron?