29ᵃ Semana Tempu Komun: Quinta-Feira, loron 22, fulan Outubro, 2026, October 22, 2026
Reflection on the WORD
Maluk sira mak Kristu hadomi,
“Dezafiu sira husi Evangelho” – Fiar: iha Evangelho ohin, Jesus dehan: “Ha'u mai atu lori ahi ba raiklaran; Ha’u lori divizaun ba uma ka’in sira: aman kontra oan, oan kontra aman...”Reflete; “Jesus la kontra Maromak nia ukunfuan sira – ‘respeita ita-nia inan-aman’. Maibé Jesus konvida ita atu moris iha ‘maneira foun no radikal ka firme ida’, iha ne'ebé ita tau Maromak nia Vontade sai sentru ba ita-nia moris loroloron.”
Lk 12:49-53
49“Ha’u mai atu lori ahi ba raiklaran, no Ha’u hakarak teb-tebes ahi ne’e lakan duni. 50Ha’u sei simu baptismu ida, no Ha’u sei la hakmatek to’o buat ne’e mosu. 51Imi hanoin katak Ha’u mai atu lori dame ba raiklaran? Ha’u dehan ba imi katak lae; maibe atu halo ema haketak malu. 52Basa, houri ohin ba oin, ema na’in lima iha uma laran, sira lia sei la tuir malu: na’in tolu hasouru na’in rua, na’in rua hasouru na’in tolu; 53aman hasouru oan mane, oan mane hasouru aman; inan hasouru oan feto, oan feto hasouru inan; banin feto hasouru feto foun, feto foun hasouru banin feto.”
Today's Pointers on God's Word
As you read the passage what words, phases or meanings caught your attention?
- Ema barak fiar katak Maromak eziste, maibé sira nia moris hatudu katak sira la fiar total Maromak iha sira nia moris lorloron nian. Ema seluk fali profesa katak sira fiar Maromak maibe sira nia estilu de vida hanesan ema ateista sira.
- Ita labele identifika-an hanesan seguidór Jesus nian, maibé ita prefere estilu de vida ida ne’ebé la hatudu valor sira Evangelho Kristu nian. Jesus iha Evangelho ohin, Nia dezafia ita atu iha koragem hodi moris tuir duni ita nia fiar nia hanorin sira maski mundu sekular promove valor seluk.
-
Passa tempu ho Maromak hodi renova ita nia Promesa Batismu nian no husu grasa atu fiel, firme no komprometidu nafatin iha ita nia convivensia fiar nian iha ita nia moris.