DGEMs

Maluk sira mak Kristu hadomi,

“Maromak Surpresa nia Hun” – Fiar: Jesus fo hanoin ninia disípulu sira: “Imi mós tenke matan moris neon na’in, tanba Oan Mane sei mai iha tempu ne’ebé imi la espera.” Reflete; “Se ita esforsu atu sai autêntiku iha ita nia moris, ho fidelidade ba Maromak nia Vontade no ho humildade atu tuir Nia, maski ita la perfeitu, ita sei ‘prontu’ wainhira Maromak hit-An mai iha tempu ne’ebé ita la espera. Se ita moris iha sala laran no iha fiar ne’ebé hipokrita, entaun ita presiza tauk tamba ita tenki simu konsekuensia husi pekadu no lia bosok sira iha ita nia moris.”

39Imi rona di-diak ba: uma na’in hatene karik tuku hira mak na’okten atu mai, nia sei la husik nia tama iha nia uma. 40Imi hein hela ba, basa iha oras ne’ebé imi la hanoin kona, Oan Mane sei hiit an mai.”

41Pedro dehan ba Nia: “Na’i, Ita haktuir aiknanoik ida ne’e ba ami deit, ka ba ema hot-hotu mos?” 42Na’i simu: “Se mak atan diak no matenek ne’ebé uma na’in haruka atu hare nia familia hodi fahe aihan ba sira tuir oras lo-los? 43Ksolok ba atan ne’ebé nia na’in hetan halo nune’e wainhira nia to’o mai. 44Tebes, Ha’u dehan ba imi katak nia sei fo knaar ba atan ne’e atu hare nia rikusoi tomak. Ba ema ne’ebé simu barak, sei husu mos barak; no ema ne’ebé simu knaar boot, barak liu mak ema sei husu ba nia.”