DGEMs

Maluk sira mak Kristu hadomi,

“Lialos” – Fiar: Jesus hateten klaru los katak lia bosok hotu, pekadu no hahalok egoísta sira ne'ebé ita subar sei sai visível ba ema hotu wainhira Kristu mosu Mai ita. wainhira ita moris deit ba Maromak, ho de’it Maromak no tamba ita hadomi Maromak, ita laiha ema ka buat ida ne’ebé sei hatauk ita. Reflete; “sabedoria ne’ebé boot liu mak moris de’it hodi hadomi ema seluk hanesan Kristu hadomi ita; ho nune’e deit mak ita sei hetan ksolok rohan laek iha lalehan”

1Tuir mai, wainhira ema lubun boot teb-tebes halibur an hamutuk to’o sira hanehan malu, Jesus hahu koalia ba nia eskolante sira dehan: “Imi matan moris ba kona ba fariseu nia fermentu, katak sira nia laran makerek. 2Buat hotu ne’ebé taka hela, sei nakloke; no buat hotu ne’ebé subar hela, sei fo hatene sai. 3Tan ne’e, buat ne’ebé imi dehan iha nakukun laran, ema sei rona iha loron nabilan; no buat hotu ne’ebé imi hateten nei-neik ba ema nia tilun sub-subar, ema sei fo sai maka’as iha uma nia kakuluk. 

4Ha’u nia belun sira, Ha’u dehan ba imi: keta tauk sira ne’ebé oho isin, hafoin la bele halo tan buat ida. 5Ha’u sei dehan ba imi se los mak imi ten ke tauk: imi sei tauk ida ne’ebé, oho tiha isin, iha mos kbiit atu soe ema ba infernu. Tebes, Ha’u dehan ba imi, Nia mak imi ten ke tauk.