28ᵃ Semana Tempu Komun: Quarta-Feira, loron 14, fulan Outubro, 2026, October 14, 2026

Reflection on the WORD

Maluk sira mak Kristu hadomi,

“Hipókrisia - Fiar”:Jesus dezafia farizeu no doutór da lei sira atu konsiente liután kona-bá sira-nia “fiar hipókrita – fiar ne’ebé superfisial.”Sira hakfodak no sente hirus ho Jesus nia liafuan sira tamba Jesus hatudu ba sira buat ne’ebé los iha sira no sira lakohi simu. Reflete; “Hipokrisia iha ita-nia fiar mak maneira idaita pratika ita-nia fiar atu glorifika ita nia-an rasik liu husi maneira sala no bosok hodi uza Maromak nia naran ba ita nia-an glória rasik. Harohan hodi husu graça humildade no integridade atu bele moris tuir lolos ita nia fiar nia hanorin sira.

Lk 11:42-46

Jesus dehan ba Farizeu sira, 42susar ba imi, fariseu sira, ne’ebé selu impostu ruku, salsa no modo tomak nian, maibe haluha justisa no domin ba Maromak! Halo duni buat ne’e ba, maibe keta haluha buat seluk. 43Susar ba imi, fariseu sira, ne’ebé gosta tur iha fatin uluk iha sinagoga no haksolok wainhira ema kumprimenta imi iha basar. 44Susar ba imi, basa imi hanesan rate sira ne’ebé ema la hare no ema sama tamba sira la hatene!” 

45Doutor ukunfuan nian ida simu hodi dehan: “Mestre, wainhira Ita koalia hanesan ne’e, Ita hateten aat mos ami.” 46Nia hatan: “Susar mos ba imi, doutor ukunfuan sira nian, basa imi tau naha todan liu ba ema, maibe imi rasik la book limanfuan ida mos atu foti nia.

Today's Pointers on God's Word

As you read the passage what words, phases or meanings caught your attention?

  • Jesus sente hirus hodi konfronta Fariseu sira, tanba sira fó dízimu husi buat hotu ne’ebé sira hetan, maibé sira la tau iha prátika Maromak nia ukunfuan sira ne’ebé  hanorin kona ba  “justisa no domin ba Maromak” iha sira ne’ebé presiza. 
  • Pior liu tan mak Liu tan, sira impoem regra ne’ebé la nesesariu hodi hatodan ema seluk nia moris, maibe sira rasik la moris tuir regra sira ne’e. Hahalok ema Farizeu no Escriba sira lahatudu Maromak nia mandamanteu atu Hadomi Maromak no hadomi ita nia vizinho.  
  • Jesus mos fo hanoin ita atu la gasta ita nia moris hodi foka liu ba buat ki’ik sira iha mundu ne’e, enkuantu ita haluhan buat ne’ebé esensiál liu iha ita-nia fiar: hadomi Maromak ho ita-nia fuan no laran tomak, no hatudu domin ne’e liuhusi ita-nia hahalok no maneira moris loroloron nian.