28ᵃ Semana Tempu Komun: Tersa-Feira, loron 13, fulan Outubro, 2026, October 13, 2026

Reflection on the WORD

Maluk sira mak Kristu hadomi,

“Fiar ne’ebé autentiku”:Jesus dezafia farizeu sira ne'ebé konvida Nia atu han hamutuk, atu sira “ hamoos uluk kopu nia laran”, tanba sira hatudu moris piedade los iha aparensia maibé laran makerek hodi hanehan sira ne’ebé kiak no fraku. Reflete; “Fiar lolos ka fiar ne’ebé autentiku sei hatudu iha hahalok sira ne’ebé mai duni husi ita nia fuan; fiar ne’ebé lakle’an sei hatudu moris santu iha oin maibé iha kotuk halo buat seluk ne’ebé la tuir Maromak nia ukunfuan sira.

Lk 11:37-41

37Jesus sei koalia hela, fariseu ida konvida Nia atu han iha nia uma. Nia tama hodi tur iha meja. 38Fariseu hakfodak, basa hare Nia la fase an molok atu han. 39Na’i dehan ba nia: “Imi fariseu sira hamos kopu no bikan nia liur, maibe imi nia laran nakonu ho hakarak atu hadauk sasan no hanoin aat. 40Beikten sira! Ida ne’ebé halo buat ne’ebé iha liur, la halo mos buat ne’ebé iha laran? 41Imi fo esmola housi imi nia laran, no buat hotu sei sai mos ba imi. 42Maibe susar ba imi, fariseu sira, ne’ebé selu impostu ruku, salsa no modo tomak nian, maibe haluha justisa no domin ba Maromak! Halo duni buat ne’e ba, maibe keta haluha buat seluk.

Today's Pointers on God's Word

As you read the passage what words, phases or meanings caught your attention?

  • Jesus haksiak Fariseu sira tanba sira gosta tuir de’it lei no regra rituál sira iha li’ur, maibé la moris tuir lei sira ne’e iha sira-nia laran—lei kona-bá domin, kompaixaun no justisa ba ema hotu.
  • Tanba ne’e, ho lian firme no makas, Jesus  hateten ba sira atu moris tuir “lei iha sira nia fuan laran”, hodi tau matan ba ema hotu ne’ebé presiza sira nia ajuda. Bainhira ita, ho fuan ne’ebé generozu, fahe ita-nia sasán ba ema ne’ebé presiza, ema bele sente Maromak nia kompaixaun no misericórdia liuhusi ita nia asaun diak sira ne’e. 
  • Fuan ne’ebé nakonu ho domin no kompaixaun la iha espasu ba laran moras, kan ema nia sasan, egoismu no hahalok hanesan sira-ne’e. Ita presiza husik Maromak nia domin no miserikórdia transforma ita-nia fuan laran atu ita bele moris tuir Na’i nia hakarak.