28ᵃ Semana Tempu Komun: Segunda-Feira, loron 12, fulan Outubro, 2026, October 12, 2026
Reflection on the WORD
Maluk sira mak Kristu hadomi,
“Jerasaun Aat” – Fiar: Jesus sente hirus makas tamba pergunta ne’ebé ema multidaun ezizi atu nia hatudu sinal ruma ba sira katak Nia mak Messias lolos. Jesus hanaran ka bolu sira “jerasaun aat.” Reflete; “Ohin loron, ema barak mak deklara-an katak nia ateu no anti-Kristu. Sira rejeta atu fiar katak Jesus mak Messias ne’ebé haklaken Liafuan Di'ak kona-bá Salvasaun. Maibé ita sente konsoladu no inspiradu ho ema sira ne’ebé ho aten brani haklaken sira nia fiar iha Krisu no moris dunik hanesan sasain Kristu nia disipulu.
Lk 11:29-32
29Wainhira ema lubun boot halibur tiha an, Nia dehan: “Otas ne’e otas aat duni; ema sira husu sinal ida, maibe sinal mesak ne’ebé sei fo ba sira mak sinal Jonas nian. 30Basa, hanesan Jonas sai sinal ida ba ema rai Ninive nian, nune’e mos Oan Mane sei sai sinal ida ba ema sira housi otas ne’e. 31Iha loron tesi lia nian, liurai feto tasimane nian sei hamriik hasouru ema sira ne’e hodi tesi lia todan ba sira; basa nia mai housi mundu nia rohan atu rona Salomao nia matenek, no iha ne’e iha Ida ne’ebé boot liu fali Salomao. 32Iha loron tesi lia nian, Ninive nia oan sira sei hamriik hasouru ema sira ne’e, hodi tesi lia todan ba sira; basa wainhira Jonas haklaken Maromak nia liafuan, sira hakribi sira nia sala, maibe iha ne’e iha Ida ne’ebé boot liu fali Jonas.”
Today's Pointers on God's Word
As you read the passage what words, phases or meanings caught your attention?
- Maromak fó liberdade nu’udar prezente ba ema hothotu, atu ita bele hili ho fuan ne’ebé livre atu hadomi Maromak nu’udar resposta ba Nia domin ne’ebé laiha kondisaun no la iha rohan.
- Maibé, ema barak uza sala liberdade ne’ebé Maromak fó mai ita. Ema barak hili atu tuir mundu sekulár ninia sasuka ne’ebé foka liu ba buat ne’ebé ita bele hare no hetan iha mundu ne’e, no haluhan realidade moris rohan laek, ne’ebé ita la bele hare ho matan.
-
Koko reflete kona aspetu ka area sira ne’ebé iha ita nia moris ne’ebé halo ita moris valor sira husi mundu sekulár nian, no area sira ne’ebé mak tuir Evangelho Kristu nian. Saida mak Maromak husu no dezafia ita atu muda ka halo iha ita-nia moris?