27ᵃ Semana Tempu Komun: Sabadu, loron 10, fulan Outubro, 2026, October 10, 2026
Reflection on the WORD
Maluk sira mak Kristu hadomi,
“Maromak nia Liafuan” – Fiar: Jesus konvida ita atu komprende katak “Maromak nia Liafuan”, ne'ebé ita haklaken no moris tuir, mak Bensaun boot liu ne'ebé ita simu iha ita-nia moris. ita nia relasaun sira ho ema seluk bele sai importante ba ita nia moris maibé ita-nia relasaun ho Maromak de'it mak bele fó sentidu,ksolok no plenitude iha ita-nia moris; laiha tan buat seluk ne’ebé bele troka ita nia experiensia pessoal sira ho Maromak.
Lk 11:27-28
27Nia sei koalia dau-daun, feto ida housi ema lubun sira le’et foti lia dehan: “Ksolok ba knotak ne’ebé ko’us Ita, no hirus matan ne’ebé fo susuben ba Ita!” 28Maibe Nia hatan: “Lo-los, ksolok liu fali ba sira ne’ebé rona Maromak futar lia hodi rai hela nia!”
Today's Pointers on God's Word
As you read the passage what words, phases or meanings caught your attention?
- Disípula ka disípulu ne’ebé fial mak ema ne’ebé rona no pratika Maromak nia Liafuan iha nia moris. Ida-ne’e mak ezijénsia husi Evangelho Kristu nian.
- Maria mak modelu disípula perfeitu Kristu nian. Maria simu “bensaun” la’ós de’it tanba nia mak Jesus nia Inan, maibé mos tanba Maria mak sai disípula ne’ebé fiél liu disipulu sira seluk iha historia salvasaun nian.
-
Nu’udar disípula ka disípulu Jesus, oinsa ho ita nia dispozisaun atu rona no tau iha pratika Maromak nia Liafuan iha ita nia moris iha ita nia maneira de relasiona ho ema sira ne’ebé besik ita?