27ᵃ Semana Tempu Komun: Sexta-Feira, loron 9, fulan Outubro, 2026, October 9, 2026

Reflection on the WORD

Maluk sira mak Kristu hadomi,

“Divizaun – Estraga Buat Hotu” – Fiar: Ema lubun boot akusa Jesus katak Nia uza podér Beelzebul, poder Diabu nian, atu duni sai diabu sira husi ema seluk. Reflete; “Bainhira ita fahe ita-nia fuan atu hadomi Maromak no hadomi buat seluk, ita sei la bele halo disernimentu ne’ebé klaru kona-bá Maromak nia prezensa iha ita-nia moris. Ita-nia egoísmu no ita-nia pekadu sira sei sai impedimentu no bele ‘estraga’ ita nia relasaun ho Maromak, nune’e ita labele hetan grasa, inspirasaun no matenek husi Maromak iha ita nia moris.

Lk 11:15-20

9Ne’e duni, Ha’u dehan ba imi: husu ba, imi sei simu; buka ba, imi sei hetan; tuku odamatan ba, odamatan sei nakloke ba imi. 10Basa ema hotu ne’ebé husu, sei simu; ema ne’ebé buka sei hetan; no ba ema ne’ebé tuku odamatan, odamatan sei nakloke ba nia. 11Iha imi le’et, aman ida ne’ebé mak sei fo samea wainhira nia oan husu ikan? 12Eh sei fo sakunar ida wainhira nia husu manu tolun? 13Ne’e duni, maski imi ema laran aat hatene fo buat diak ba imi nia oan sira, oin sa liu tan mak imi nia Aman iha lalehan sei haraik Espiritu  Santu ba sira ne’ebé husu ba Nia?”

Today's Pointers on God's Word

As you read the passage what words, phases or meanings caught your attention?

  • Jesus ko’alia kona-bá realidade “reinu” rua: “Maromak nia reinu” no “diabu nia reinu”. Poder husi reinu rua ne’e labele tau hamutuk, tanba ita labele servisu ba Maromak no iha tempu hanesan halo mos buat ruma ne’ebé kontra Maromak nia ukunfuan sira.
  • Se ita fiar duni katak Jesus mak ita-nia Na’i no Mestre, entaun ita tenke hatudu klaru iha ita-nia moris loroloron katak Jesus mak sentru ba ita nia moris: buat ne’ebé ita halo, valor sira ne’ebé ita defende no moris tuir, no ita-nia hahalok hotu presiza reflete valor sira evangelho Jesus nian. 
  • Kada loron, Ita ida-ida enfrenta dezafiu atu moris ho sensibilidade ne’ebé aas katak Maromak nia reinu sempre iha ita-nia leet, atu nune’e ita bele kompromete-an hodi servi Maromak nia glória ho fiar ne’ebé metin iha ita nia moris lorloron.