27ᵃ Semana Tempu Komun: Qinta-Feira, loron 8, fulan Outubro, 2026, October 8, 2026

Reflection on the WORD

Maluk sira mak Kristu hadomi,

“Maromak nia Domin Nunka Falha” – Fiar:Jesus halo promesa sagrada ida ho nia disípulu sira katak buat hotu ne'ebé sira “husu, buka no tuku odamatanMaromak nia uma, sira sei hetan resposta husi Maromak” no laiha falha. Reflete; “Maromak nia Domin ba ita la iha limite; Nia Miserikórdia mós la depende ba kondisaun ruma; no Ninia Providénsia mak ita-nia Esperansa ne'ebé nunka falha. Se ita tau Maromak sai sentru ita-nia moris, ita sei iha buat hotu ne'ebé ita presiza iha ita nia moris.”

Lk 11:9-13

9Ne’e duni, Ha’u dehan ba imi: husu ba, imi sei simu; buka ba, imi sei hetan; tuku odamatan ba, odamatan sei nakloke ba imi. 10Basa ema hotu ne’ebé husu, sei simu; ema ne’ebé buka sei hetan; no ba ema ne’ebé tuku odamatan, odamatan sei nakloke ba nia. 11Iha imi le’et, aman ida ne’ebé mak sei fo samea wainhira nia oan husu ikan? 12Eh sei fo sakunar ida wainhira nia husu manu tolun? 13Ne’e duni, maski imi ema laran aat hatene fo buat diak ba imi nia oan sira, oin sa liu tan mak imi nia Aman iha lalehan sei haraik Espiritu  Santu ba sira ne’ebé husu ba Nia?”

Today's Pointers on God's Word

As you read the passage what words, phases or meanings caught your attention?

  • Bainhira ita “husu” buat ruma ba Maromak iha ita nia orasaun sira, ida-ne’e la signifika katak ita tau Maromak hanesan “Santa Claus” ne’ebé ita husu saida deit, santa claus halo tuir deit ita-nia hakarak. Ita nia fiar hanorin ita katak buat hotu ne’ebé ita iha mai husi Maromak. 
  • Maski nune’e, ita presiza aprende atu “husu” ho atitude labarik ida nian, ne’ebé hatene katak nia bele hakbesik-an ba nia Aman, ko’alia ho Nia, no nia hatene katak nia Aman sei rona nia no haraik ba nia buat ne’ebé di’ak liu ba nia.
  • Ita nia Aman iha lalehan hakarak iha relasaun ne’ebé besik no kle’an ho ita. Bainhira ita “husu” ba Maromak, ita loke dalan no harahun barreira ne’ebé hafahe ita ho Maromak. Ita tauk Maromak iha momentu saida? Ka ita iha relasaun ne’ebé besik no intimu ho Maromak?