Festa Anjos da Guarda : Sexta-feira, loron 2, fulan Outubro, 2026, October 2, 2026

Reflection on the WORD

Maluk sira mak Kristu hadomi,

“Maromak nia Oan sira ne'ebé Presiozu” – Anju sira: Jesus fó hanoin nia discípulu sira atu “keta hewai ka rejeita labarik sira tamba sira-nia anju sira iha lalehan... iha Ha’u Aman nia prezensa.” Reflete; “Labarik sira iha qualidade ka karakter inocente ne’ebé halo sira nakloke ba inspirasaun, ksolok no esperansa. Maibé, hanesan adultu, ita-nia moris bele halo sira laiha korejem, desanimadu no halo sira dok husi Maromak, oinsa ita-nia atitude sira ho labarik sira?

Mt 18:1-5, 10

1Iha oras neba, eskolante sira hakbesik ba Jesus hodi husu ba Nia: “Se mak boot liu iha reinu lalehan?” 2Nia bolu labarik ida, tau nia iha sira klaran 3hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik, imi sei la tama iha reinu lalehan. 4Ne’e duni, ema ne’ebé haraik an hanesan labarik ne’e, nia mak boot liu iha reinu lalehan. 5Ema ne’ebé simu labarik ida hanesan ne’e tan Ha’u nia naran, nia simu Ha’u.  10“Keta hewai kiik oan sira ne’e ida, basa Ha’u dehan ba imi katak sira nia anju sira fihir nafatin Ha’u Aman lalehan nia futar oin.

Today's Pointers on God's Word

As you read the passage what words, phases or meanings caught your attention?

  • Ohin, Igreja selebra no onra ita-nia Anju da Guarda sira ne’ebé mak sai mensageiru no protetór pesoál ne’ebé Maromak haruka atu tau matan mai ita ida-ida.
  • Jesus hateten klaru kona-bá ezisténsia no papel husi Anju da Guarda sira hodi dehan: “Keta hewai kiik oan sira ne’e ida, basa Ha’u dehan ba imi katak sira nia anju sira fihir nafatin Ha’u Aman lalehan nia futar oin”.
  • Kria nafatin relasaun diak ho ita-nia Anju da Guarda nu’udar belun no reza ba sira kada loron:

    “Anju Maromak nian, hau-nia Anju da Guarda, ne’ebé sai hanesan Maromak nia domin entrega hau ba ita-nia kuidadu, hela hamutuk ho hau loron-loron, atu fó naroman no proteje hau, atu orienta no guia hau. Amén.”