Santa Teresa do Menino de Jesus: Quinta-Feira, loron 1, fulan Outubro, 2026, October 1, 2026
Reflection on the WORD
Maluk sira mak Kristu hadomi,
“Espiritualidade de Haraik-an” – Fiar: Evangelho ohin revela klaramente espiritualidade Santa Teresinha do Menino de Jesus nian ne'ebé durante nia moris hatudu dunik humildade hodi buka prezensa no vontade Maromak nian iha buat simples no ordináriu sira, iha ema no eventu sira iha nia moris nian. Reflete; “Hanesan Santa Teresinha, mai ita halo esforsu atu aumenta ita-nia ‘santidade’ liu husi hadomi Maromak iha buat hotu no liu-liu iha ema sira ne’ebé simples sira ne’ebé besik ita”
Mt 18:1-5
1Iha oras neba, eskolante sira hakbesik ba Jesus hodi husu ba Nia: “Se mak boot liu iha reinu lalehan?” 2Nia bolu labarik ida, tau nia iha sira klaran 3hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik, imi sei la tama iha reinu lalehan. 4Ne’e duni, ema ne’ebé haraik an hanesan labarik ne’e, nia mak boot liu iha reinu lalehan. 5Ema ne’ebé simu labarik ida hanesan ne’e tan Ha’u nia naran, nia simu Ha’u. 10“Keta hewai kiik oan sira ne’e ida, basa Ha’u dehan ba imi katak sira nia anju sira fihir nafatin Ha’u Aman lalehan nia futar oin.
Today's Pointers on God's Word
As you read the passage what words, phases or meanings caught your attention?
- Jesus hatete mai ita katak atu “tama ba Reinu Lalehan”, ita presiza iha fiar hanesan labarik ne’ebé iha fuan no laran simples no konfiansa tomak ba Maromak iha sira nia moris.
- Wainhira ita-nia relasaun besik ho Maromak, ita iha konfiansa tomak ba Nia, ita sei dezeja atu moris tuir Nia-nia dalan. Ho nune’e, ita-nia fuan bele livre husi laran moras, orgullu, foti-an no buka glória ba an rasik.
-
Bainhira ita moris tuir Maromak nia vontade, Na’i sei haraik nia bensaun ba ita iha ita nia moris, liu-liu haraik mai ita premiu moris rohan laek iha Lalehan. Ida ne’e mak prezente boot ka diak liu hotu ne’ebé ita espera bele hetan husi Maromak.