26a Semana Tempu Komun: Segunda-Feira, 28 fulan Setembru, 2026, September 28, 2026
Reflection on the WORD
Maluk sira mak Kristu Hadomi,
“Fiar ne’ebé autentiku”: Jesus nia disípulu sira diskute kona-bá sé mak “boot liu” entre sira. Ne'e duni, Jesus fó-hanoin sira atu moris iha sira nia fiar ho humildade; no nafatin prontu atu serbí Maromak no ema hotu ho laran tomak. Reflete; “Ita fó testemuña ba ita-nia fiar, ho atitude no hahalok sira ne'ebé hatudu Jesus nia moris ka la’e? Ne'e mak dalan ne’ebé certu liu atu hatene katak ita moris iha fiar ne’ebé lolos tebes duni.”
Lk: 9-46-50
46Tuir mai sira hahu haksesuk malu kona-bá se mak boot liu iha sira le’et. 47Hatene tiha sira nia hanoin, Jesus kaer labarik ida, tau nia iha Nia sorin, 48hodi dehan ba sira: “Ema nebe simu labarik ne’e iha Ha’u nia naran, simu Ha’u; no ema nebe simu Ha’u, nia simu Ida nebe haruka Ha’u mai. Basa ida nebe kiik liu iha imi nia le’et, nia mak boot liu.”
49Joao hatan dehan: “Mestre, ami hare ema ida nebe duni sai diabu iha Ita nia naran maibé ami bandu nia, basa nia la tuir Ita.” 50Maibé, Jesus hateten ba nia: “Imi keta bandu nia, basa ema nebe la hasouru imi, nia hamutuk ho imi.”
Today's Pointers on God's Word
As you read the passage what words, phases or meanings caught your attention?
- Jesus hateten "Ema ida ne’ebé halo-an ki'ik liu iha imi hotu nia le’et mak ida ne'ebé sai boot liu hotu." Liu hosi dalan hanorin ne'e, Jesus haruka ita atu hakat to ba ema sira ne'ebé mundu haré nu'udar buat aat, la importante no todan-aat iha moris.
- Jesus desafia ita atu hakat liu ita-nia fatin privadu no família nia limitisaun no hodi serbí ema mukit, marginalizadu, ema moras no sira ne’ebé mate iha ita-nia sosiedade.
-
Karik ita halo ida ne'e, Maromak sei haré ita nu'udar "ida ne’ebé boot liu iha Nia Reinu." Dalan sira hanesan Kristu nian ne'e mak as liu fali serbisu sira asaun karidade nian. Sira mak hahalok sira ne'ebé sei kontinua ho Kristu nia serbisu redentor nian. Oinsá mak ita hakarak atinge hodi hatán ba desafiu sira-ne'e?