25a Semana Tempu Komun:Kuarta-feira, 23, fulan Setembru, 2026, September 23, 2026

Reflection on the WORD

Maluk sira mak Kristu Hadomi,

“Konfia iha Maromak nia Providénsia”: Jesus haruka Nia apóstolu sira atu haklaken “Maromak nia Reinu” hodi tau sira nia konfiansa tomak iha Nia Providénsia; no la'ós sadere ba segurança iha material nian sira. Hanesan Nia, sira tenke fó sasin ba Evangelho nia Lia-Loos, duni sai diabu sira no kura moras oioin. Reflete; “Ita-nia konfiansa iha Maromak nia Providénsia ne’e: fraku, metin ka total tomak ba Maromak?”

Lk 9:1-6

1Jesus bolu sira na’in sanulu resin rua besik Nia, hodi fo kbi’it ba sira atu duni sai diabu sira no fo isin diak ba ema moras sira. 2Nia haruka sira atu haklaken Maromak nia reinu, no mos atu fo isin diak ba ema moras sira. 3Nia dehan ba sira: “Keta lori tuir dalan ai tonka ka kohe, paun ka osan ka hatais tahan rua. 4Iha uma naran de’it nebe imi tama, hela iha neba to’o tempu nebe imi atu sai. 5Kona-bá  sira nebe la simu imi, wainhira imi husik fatin neba, liki rai rahun housi imi nia ain nudar sinal hasouru sira.” 6Nune’e sira sai hodi la’o housi knua ida ba knua sira seluk, hodi haklaken evangeliu no fo isin diak ba ema moras sira iha fatin hotu.

Today's Pointers on God's Word

As you read the passage what words, phases or meanings caught your attention?

  • Jesus hakarak ita fo sasin no halo ema seluk hatene kona-bá Liafuan Di'ak salvasaun nian iha tempu hotu-hotu. dalaruma, ida ne'e la'ós sempre fasil de’it no ita tenke pronto atu simu mós perseguisaun iha ita-nia moris, dalaruma husi ita-nia família, parentes no belun sira. 
  • Ita konfiansa iha Maromak nia providensia ne’ebé fó mai ita kbi’it no inspirasaun hotu ne'ebé ita presiza atu kumpre ita-nia dever sira nu'udar Na'i nia disípulu sira ne’e, bo’ot oinsa los karik? Ita konfia de'it ba ita-nia abilidade rasik ka ba Maromak nia grasa sira mos? 
  • Saida mak sei akontese kuando ita sente desanimadu iha falansu atu halo ema hatene kona-bá  Maromak nia Liafuan Di'ak sira ne’e? Ita hetan kbi’it iha ita-nia orasaun sira atu hakas-an tenta nafatin hodi halo diak?