24a Semana Tempu Komun: Sesta-feira, 19, fulan Setembru, 2026, September 18, 2026

Reflection on the WORD

Maluk sira mak Kristu Hadomi,

“Jesus nia Domin kompaixaun nian” – Fiar: Jesus haklaken Evangelho Salvasaun Rohan laek nian; hodi kura ema moras; no duni sai espíritu aat sira. Reflete; “Ita ema mak mesak frágil no fraku: fasil hetan moras; vulnerável atu hetan kanek husi ema seluk nia liafuan no hahalok sira. Maibé, kuando ita harii relasaun ne’ebé kle'an ho Jesus, Nia transforma ita-nia moris ba Maromak nia Lia-Loos, Paz no Domin”

Lk 8:1-3

1Liu tiha ne’e, Nia la’o housi sidade ida ba sidade seluk no housi knua ida ba knua seluk, hodi hanorin no haklaken liafoun diak kona-bá  Maromak nia reinu. Sira sanulu resin rua la’o hamutuk ho Nia, 2no mos feto balun nebe hetan diak housi moras oi-oin no housi espiritu aat sira: Maria nebe ema hanaran Madalena, housi nia diabu hitu sai tiha ona; 3Joana, Herodes nia atan Cusa nia feen, Susana no feto seluk tan, nebe tulun sira ho sira nia rikusoi.

Today's Pointers on God's Word

As you read the passage what words, phases or meanings caught your attention?

  • Jesus, ho Nia disípulu Sanulu-rua no ho feto balun, la'o lemo-lemo ba sidade no knua sira atu haklaken Liafuan Di'ak salvasaun nian. 
  • Ministériu ka obra oin-oin iha ita-nia Santa Kreda mak dalan oin-oin atu lori Liafuan Di'ak Salvasaun nian ba fiar-na'in sira iha ita-nia komunidade. Nune'e, ita hotu hetan bolu atu serbí iha ministériu ka obraa sira-ne'e ho Zelo no kompromisu ne’ebé boot. 
  • Hanesan Jesus no Nia disípulu sira, ita mós presiza atu serbí iha komuñaun ho no apoiu husi seluk atu ita-nia sasin husi Liafuan Di'ak bele hatudu duni evidensia ne’ebé konkretu liu hosi ita-nia moris sira. Oinsá mak ita hatudu ita nia sasin moris ne’e ba ema seluk?