DGEMs

Maluk sira mak Kristu Hadomi,

“Arrepende Lolos” – Fiar: Jesus hahi feto ne'e, ema sala nain publiku ida; ne'ebé hatudu arrependimentu ne’ebé kle'an ba Jesus tanba nia sala sira; liuhusi tanis ho matan-bem laran moras ne’ebé kle’an no hamoos nia matan-ben ho nia fuuk, rei Jesus nia ain no kose Nia ho mina morin ne'ebé karun. Reflete; “ita bele haré fali se Ita-nia arrependimentu lolos ba ita-nia sala sira ne’e, kle'an no honestu lolos, ka superfisiáriu no rutinária de’it?”

Tama tiha iha nia uma, Nia tur iha meja. 37Tuir mai, feto aat ida housi sidade, wainhira nia hatene katak Jesus mai han iha fariseu nia uma, mai lori botil ida ho mina morin,  38hodi tur iha Jesus nia kotuk, nia hahu fase Nia ain ho nia mataben, hodi hamaran ho nia fuuk, rei no kose ho mina morin.  39Hare  tiha buat ne’e, fariseu nebe konvida Nia hateten ba nia an dehan: “Ema ne’e profeta ida karik, nia sei hatene feto se no sa los mak kona Nia ne’e, basa nia feto aat ida.” 40Jesus hatan, hodi dehan ba nia: “Simao, Ha’u hakarak hato’o buat ruma ba ita.” Nia dehan: “Koalia ba, Mestre.” 41 “Ema ida impresta osan ba ema na’in rua: ida halo tusan osan mean atus lima, ida seluk lima nulu. 42Tamba sira na’in rua la bele selu fali, nia kasu tiha sira nia tusan. Ne’e duni, ida nebe mak sei hadomi nia liu tan?” 43Simao hatan dehan: “Ha’u hanoin katak ida nebe nia kasu tusan boot liu.” No Jesus dehan: “Ita hanoin los!” 47Tan ne’e, Ha’u dehan ba ita: nia sala barak kasu tiha ona, basa nia hadomi makaas liu.