DGEMs

Maluk sira mak Kristu Hadomi,

“Halo-an Santu no ema diak los” – Fiar: Jesus haklaken ba Nia discípulu sira atu hasees-an no kuidadu atu la monu iha tentasaun laran makerek sira nian ne'ebé buka ita tesi-lia makas ba ema seluk nia falha no sala kiik oan sira, enkuantu ita nia an iha falha no sala sira ne’ebé boot liu. Reflete; “Atu hatudu-an santo no los liu ida ne’e katak ita taka tiha ita nia matan ba ita nia falha no sala sira no kondena ema seluk hanesan ita hanoin katak ita mak santu liu fali sira ka?”

39Nia dehan tan aiknanoik ida ne’e ba sira: “Ema matan delek ida bele hatudu dalan ba ema matan delek seluk? Sira na’in rua la monu hotu iha kuak laran? 40Eskolante ida la bele sai boot liu fali nia mestre, basa eskolante diak sei halo hanesan nia mestre. 41Tan sa o hare ai rahun iha o nia maun eh alin nia matan, maibé la hare ai kabelak iha o nia matan rasik? 42Oin sa o bele dehan ba o nia maun eh alin: ‘Maun eh alin, husik ha’u hasai ai rahun housi o nia matan, maibé o la hare ai kabelak iha o nia matan rasik? Laran makerek! Hasai uluk lai ai kabelak housi o nia matan, hafoin o sei bele hare mo-mos atu hasai ai rahun housi o nia maun eh alin nia matan.”