22a Semana Tempu Komun: Sabadu, 05 fulan Setembru, 2026, September 5, 2026
Reflection on the WORD
Maluk sira mak Kristu Hadomi,
“Rigidez, Matan-Delek iha Fiar”: Jesus hasé Fariseu sira tanba sira-nia interpretasaun kloot no rígido kona-bá sentidu husi lalok sagrada husi Ukun fuan kona-bá Lei loron Sábado nian. Reflete; “Intensaun ne’ebé diak de’it la naton atu moris tuir Maromak nia Hakarak no Maromak nia Dalan. Ita presiza humildade no fuan nakloke lolos atu halo tuir Maromak nia Hakarak liuhusi Santa kreda nia Hanorin sira.”
Lk 6:1-5
1Iha loron Sabadu ida, wainhira Jesus la’o housi to’os batar nian, nia eskolante sira hahu silu no dulas trigo iha sira nia liman hodi han. 2Fariseu sira dehan: “Tansa imi halo buat nebe bandu iha loron Sabadu?” 3Jesus hatan ba sira: “Imi la le’e buat nebe David halo wainhira nia ho nia maluk sira hamlaha, 4katak nia tama iha Maromak nia Uma, hola paun sakrifisiu nian hodi han no fahe ba sira, paun nebe amlulik sira de’it mak bele han?” 5Nia dehan tan ba sira: “Oan Mane mak Sabadu nia Na’i.”
Today's Pointers on God's Word
As you read the passage what words, phases or meanings caught your attention?
-
Kristu nia Ukun-fuan sira mak atu liberta ita no lori ita ba sentidu ida ne’ebé kle'an liu kona-bá oinsa ita bele hala’o ita nia moris ho diak no domin tomak ba Maromak iha ita nia moris.
- Ukun-fuan sira-ne'e ajuda ita atu valoriza liu tan Maromak nia Sabedoria ne'ebé hatudu dalan moris ba ita iha ita-nia moris.
-
Hanoin kle'an kona-bá signifikadu kle'an balun husi "Maromak no Kreda nia Ukun-fuan" sira ne’e, ukun-fuan ida ne'ebé mak ita sente difisil tebes atu moris tuir? Ita deskobre ona katak ukun-fuan sira ne’e mak Maromak nia sabedoria no matadalan ba ita?