DGEMs

Maluk sira mak Kristu hadomi,

“Jesus nia lia-los no Matenek”: Jesus fila fali ba Nia knua iha Nazaret. Iha sinagoga, Nia lee hosi Profeta Isaías nia livru, no haklaken katak mensajen ne'e kumpre iha Nia. Ema lubun boot sira hakfodak ho Ninia Liafuan Matenek nian. Hanoin kona-ba, "Ita nakloke ba Jesus nia lia-los no sabidoria, ka ita moris moris ida ne'ebé nakonu ho distrasaun no superfisialidade sira?"

Jesus fo sai katak nia sei terus

21Housi tempu neba, Jesus hahu fo sai ba nia eskolante sira katak Nia ten ke ba Jerusalem atu hetan terus barak housi katuas sira,  housi amlulik boot sira no eskriba sira; ema sei oho Nia, hafoin, liu tiha loron tolu, Nia sei moris hi’as fali. 22Pedro lori Nia ketak hodi hahu haksi’ak Nia dehan: “Maromak hadook ne’e housi Ita; buat aat ne’e la bele kona Ita, Na’i!” 23Maibe, fila tiha ba Pedro, Jesus dehan: “Ba Ha’u nia kotuk, Satanas, o teri netik Ha’u dalan; basa o la hanoin Maromak nia hanoin, maibe ema nian.” 24Tuir mai, Jesus dehan ba nia eskolante sira: “Ema ruma hakarak tuir Ha’u karik, nia sei hewai nia an rasik, sei lori nia krus hodi tuir Ha’u. 25Tan ema nebe hakarak soi nia moris sei lakon moris ne’e; maibe ema nebe lakon nia moris tamba Ha’u sei hetan fali nia.