DGEMs

Maluk sira mak Kristu hadomi,

“Jesus nia eskolante”–Fiar: Jesus haklaken ba Nia eskolante sira: “se ema ruma hakarak tuir Ha’u, nia sei husik nia an rasik, lori nia krús hodi tuir Ha’u.” Hanoin kona-ba, "Ita bele moris de'it dezafiu radikál sira hosi Jesus nia konvite atu foti Ninia Krús se, ita iha Maromak nia grasa sira, no naroman, kbiit no matenek hosi Espíritu Santu atu permanese iha ita-nia fiar."

Jesus fó sai katak nia sei terus

21Hosi tempu neba, Jesus hahu fó sai ba nia eskolante sira katak Nia ten ke ba Jerusalem atu hetan terus barak housi katuas sira,  housi amlulik boot sira no eskriba sira; ema sei oho Nia, hafoin, liu tiha loron tolu, Nia sei moris hi’as fali. 22Pedro lori Nia ketak hodi hahu haksi’ak Nia dehan: “Maromak hadook ne’e housi Ita; buat aat ne’e la bele kona Ita, Na’i!” 23Maibe, fila tiha ba Pedro, Jesus dehan: “Ba Ha’u nia kotuk, Satanas, o teri netik Ha’u dalan; basa o la hanoin Maromak nia hanoin, maibe ema nian.” 24Tuir mai, Jesus dehan ba nia eskolante sira: “Ema ruma hakarak tuir Ha’u karik, nia sei hewai nia an rasik, sei lori nia krus hodi tuir Ha’u. 25Tan ema nebe hakarak soi nia moris sei lakon moris ne’e; maibe ema nebe lakon nia moris tamba Ha’u sei hetan fali nia.