DGEMs

Maluk sira mak Kristu hadomi,

"Nazaré - Fiar": Natanael nia prejuizu; katak Maromak nia Oan-Mane, labele mai hosi sidade deskoñesidu hanesan Nazaré. Maibé, bainhira Jesus ko’alia ba nia, nia hatán kedas ho fiar ne’ebé kle’an, “Mestre, Ita-Boot mak Maromak nia Oan-Mane, Ita-Boot mak Liurai Israel nian.” Reflete kona-ba, "Hanesan Natanael, ita mós hetan bolu atu sai sinseru no nakloke ba Maromak nia Lia-los iha tempu hotu-hotu."

Evangelhu Jn 1:45-51

45Filipe hare Natanael hodi dehan ba nia: “Ami foin hetan Ida nebe Moises iha Ukunfuan no profeta sira fo sai nanis, katak Jesus, Jose nia oan, housi Nazare.” 46Natanael dehan ba nia: “Housi Nazare buat diak ida bele mosu?” Filipe hatan ba nia: “O mai hare.” 47Hare Natanael hakbesik ba Nia, Jesus dehan kona ba nia: “Ida ne’e mak ema Israel lo-los, iha nia la iha lia bosok!” 48Natanael husu ba Nia: “O hatene ha’u oin sa?” Jesus hatan: “Molok Filipe bolu o, Ha’u hare ona o iha ai figueira okos.” 49Natanael dehan fali: “Rabbi, Ita mak Maromak nia Oan Mane, Ita mak Israel nia Liurai!” 50Jesus hatan: “Tan Ha’u hateten ba o katak Ha’u hare ona o iha ai figueira okos, mak o fiar? O sei hare buat boot liu fali ida ne’e.” 51Hafoin Jesus dehan ba nia: “Tebes, Ha’u dehan ba imi: imi sei hare lalehan nakloke, ho Maromak nia anju sira sa’e no tun ba Oan Mane.”