20ª Semana Tempu Komun: Sesta-feira, loron 21, fulan Agostu, 2026, August 21, 2026
Reflection on the WORD
Maluk sira mak Kristu hadomi,
“Ukun-Fuan Boot Liu” – Fiar: Jesus haklaken, katak “ukun-fuan Boot Liu Lei nian mak, “hadomi Na’i imi nia Maromak ho imi nia fuan, klamar no neon tomak. No labele haketak, "atu hadomi ó nia maluk hanesan ó-nia an rasik." Reflete kona-ba, “Atu hadomi Maromak, signifika ita tenke hadomi no respeita ema ida-idak;tanba ema ida-idak mak Maromak nia oan folin-boot.”
Mt 22:34-40
Ukunfuan nebe boot liu
34Wainhira fariseu sira rona katak Jesus halo saduseu sira sai nonok, sira halibur an hamutuk. 35Sira ida, doutor ukunfuan nian, husu hodi koko Nia: 36“Mestre, ukunfuan ida nebe mak boot liu?” 37Jesus hatan ba nia: “O sei hadomi Na’i, o nia Maromak ho neon ho laran, ho o nia klamar tomak. 38Ida ne’e mak ukunfuan uluk no boot liu hotu. 39Ida tuir mai hanesan nia: ‘O sei hadomi ema seluk hanesan o nia an rasik.’ 40Ukunfuan rua ne’e, ukunfuan sira hotu no profeta sira nia hun.”
Today's Pointers on God's Word
As you read the passage what words, phases or meanings caught your attention?
- Ema Farizeu sira ne'ebé orgulhu ho koñesimentu kona-ba sira nia lei no prátika rituál sira, hakarak koko Jesus se Nia komprende lei hanesan sira.
- Jesus halo sira hakfodak ho simplisidade kle’an no domíniu kona-ba lei Maromak nian no ninia finalidade - katak domin Maromak nian mak uluk nanai no domin ba maluk metin iha domin Maromak nian.
-
Maromak mak hadomi uluk ita. Ita-nia domin ba Nia maka resposta ida ba Nia mizerikórdiozu no grasa ne'ebé laran-luak ba ita. Fiar ba Maromak no ba Nia promesa sira hametin ita-nia domin ba Nia. Reza ba aumentu iha imi nia fiar, esperansa no domin ba Nia no ba domin ida ne'ebé laran-luak ba ema seluk liu liu ema kiak sira.