DGEMs

Maluk sira mak Kristu hadomi,

“Ema riku – tama lalehan” – Fiar: Jesus haklaken, “Fasil liu ba kuda-kamelu ida atu liu hosi daun nia kuak, duké ba ema riku ida atu tama iha Reinu Lalehan. Maibé, ho Maromak buat hotu bele.” Reflete kona-ba, “Ita só bele ultrapasa tentasaun no fantazia sira mundu sekulár nian;ho Maromak nia Naroman, Kbiit no Sabedoria”.

23Tan ne’e Jesus dehan ba nia eskolante sira: “Tebes, Ha’u dehan ba imi: ema riku ida atu tama iha reinu lalehan susar. 24Tebes, Ha’u dehan ba imi: lalais liu ba kuda kamelu ida tama iha daum nia kuak liu fali ema riku ida tama iha reinu lalehan.” 25Wainhira eskolante sira rona lia ne’e, sira hakfodak hodi dehan: “Nune’e se los mak bele soi an?” 26Jesus fihir sira hodi dehan: “Ba ema sira, ne’e la bele; maibe ba Maromak buat hotu bele deit.”

 27Tuir mai Pedro hasa’e lia dehan: “Be ami nebe husik tiha buat hotu hodi tuir Ita Boot: ba ami ne’e sa ida?” 28Jesus dehan ba sira: “Tebes, Ha’u dehan ba imi: imi sira nebe tuir Ha’u, iha mundu foun, wainhira Oan Mane tur iha nia kadunan gloria nian, imi sei tur mos iha kadunan sanulu resin rua hodi tesi lia ba suku sanulu resin rua Israel nian. 29Ema hotu nebe husik uma, maun alin, feton, aman, inan, oan sira ka rai, tan Ha’u nia naran, sei simu dala atus ida liu tan hodi simu mos nudar liman rohan moris rohan laek. 30Barak nebe uluk, sei ikus fali; no sira nebe ikus, sei uluk fali.”