DGEMs

Maluk sira mak Kristu hadomi,

“Jesus nia milagre sira” – Fiar: Jesus fó han ema mane rihun lima resin, la sura feto no labarik sira, ho paun lima no ikan rua. Jesus nia hahalok divinu ida-ne'e prefigura eukaristia. Jesus transforma paun no tua sai Nia isin no ran hodi habokur ita espiritualmente. Reflete kona-ba, "Ita foti milagre boot liu ida-ne'e babain deit ou ho gratidaun uitoan ba Maromak?

3Rona tiha buat ne’e, Jesus sa’e ba ro ida hodi ba mesak iha rai fuik maran; maibe hatene tiha ne’e, ema lubun boot husik sidade sira hodi la’o tuir buka Nia. 14Tun housi ro hodi hare ema barak ne’e, Nia hanoin teb-tebes sira hodi fo isin diak ba sira nebe moras. 15Loraik dau-daun ona, eskolante sira hakbesik ba Nia hodi dehan: “Fatin ne’e rai fuik, no kalan besik ona; haruka ema sira ne’e ba ona, atu sira bele sosa aihan iha knua sira.” 16Nune’e Jesus dehan ba sira: “Sira lalika ba; imi rasik fo han sira ba.” 17Sira hatan ba Nia: “Ami iha deit paun fuan lima no ikan rua.” 18“Lori sira mai,” Nia dehan. 19Hafoin Nia haruka ema lubun boot tur iha du’ut leten. Nia kaer paun fuan lima no ikan rua ne’e, foti matan ba lalehan hodi fo bensa. Tuir mai Nia silu paun sira ne’e hodi fo ba eskolante sira; hafoin sira fahe ba ema lubun boot. 20Sira hotu han to’o bosu; baluk sira nebe resin, sira tau ba luhu sanulu resin rua nakonu! 21Ema sira nebe han hamutuk mane rihun lima, la sura feto no labarik sira.