DGEMs

Maluk sira mak Kristu hadomi,

"Maromak nia lia-los" - hakarak sira: Bainhira Herodias nia oan-feto husu atu João Batista "tesi ulun", Liurai Herodes sente laran-susar tebes. Reflete kona-ba, "Moris iha Maromak nia Lia-los maka hakarak klean liu iha ita-nia fuan. Nune'e, sala sei hatodan ita-nia fuan ho lia-bosok; tanba rejeita ona Maromak nia lia-los no domin. Maibé, bainhira ita moris iha Maromak nia Lia-los; ita sei iha dame kle'an ba ita-nia moris.

1Iha tempu neba liurai Herodes rona kona ba Jesus nia naran boot. 2Herodes dehan ba nia emar sira: “Tebes, ema ne’e João Baptista nebe moris fali ona! Tan ne’e nia iha kbiit atu halo milagre sira.”3Herodes kaer duni João hodi futu nia ho korente no hatama nia iha kadeia tamba Herodiades, nia alin Filipe nia kaben; 4basa João dehan ba nia: “O la bele hola nia.” 5Herodes hakarak oho João maibe nia tauk povu basa povu hare nia nudar profeta. 6Maibe iha loron nebe Herodes halo tinan, Herodiades nia oan feto dansa iha ema hotu nia oin hodi fo ksolok ba Herodes, 7tan ne’e nia hakotu lia ho juramentu atu fo ba fetoran ne’e buat hotu nebe nia husu. 8Hodi nia inan nia liafuan, nia hatan: “Fo mai ha’u João Baptista nia ulun iha bikan boot ida.” 9Liurai neon susar, maibe tamba nia juramento no nia bainaka sira, 10nia haruka ema atu tesi João nia ulun iha kadeia laran hodi lori mai. 11Sira lori ulun mai iha bikan ida hodi fo ba fetoran nebe fo fali ba nia inan. 12João nia eskolante sira mai foti nia isin hodi ba hakoi; hafoin sira ba fo hatene ba Jesus.