16ª Semana Tempu Komun Festa: São Tiago, Apóstolu : Sábadu, loron 25, fulan Jullu 2026, July 25, 2026

Reflection on the WORD

Maluk sira mak Kristu hadomi,

“Maromak Nia atan sira”-Fiar: Jesus haklaken ba Nia apóstolu sira, ida ne’ebé hakarak sai uluk, nia sei sai imi nia atan. Hanesan Oan Mane mai, la’os atu ema serbi Nia, maibé atu serbí.” Reflete; reza ba atu simu grasa no sabedoria hodi hadomi Jesus hanesan Nia hatudu ona mai ita.Serbí Maromak ho haraik-an, ho laran tomak no ho ksolok hodi nune’e ema hotu-hotu bele fiar kle’an liu-tan ba Jesus.

Mt 20:20a,21b-23,25-28

Zebedeu nia oan sira

20Tuir mai Zebedeu oan sira nia inan hakbesik Jesus hamutuk ho nia oan sira, monu iha nia ain hodi husu buat ida. 23Nia dehan fali ba sira: “Tebes duni, imi sei hemu Ha’u nia kalis; maibe tur iha Ha’u nia sorin kuana eh karuk, ne’e la’os Ha’u mak fo; ne’e ba sira nebe Ha’u Aman hadia hela.”

24Rona tiha ne’e, sira na’in sanulu hirus maun alin rua ne’e. 25Jesus bolu sira hodi dehan ba sira: “Imi hatene katak na’i ulun gentiu sira nian ukun povu hodi kbiitt. 26Imi sei la halo hanesan ne’e; maibe iha imi le’et se mak hakarak sai boot, nia sei sai imi nia atan; 27no ida nebe hakarak sai uluk, nia sei sai imi nia atan. 28Hanesan Oan Mane mai, la’os atu ema serbi Nia, maibe atu serbi no saran nia moris atu soi ema barak.”

Today's Pointers on God's Word

As you read the passage what words, phases or meanings caught your attention?

  • Iha Evangelho ohin nian, Jesus fó hanoin ita katak karik ita hakarak lolos atu serbí Nia ho Nia Aman Nia Reinu, ita tenke koko atu evita serbí ho motivasaun segredu nian hodi buka pozisaun, poder ka lukru ba ita nia-an rasik. 
  • Maibé wainhira ita serbí Jesus, Nia ne’ebé serbí to saran Nia moris ba ema hotu-hotu nia salvasaun, Nia tenke sai ita nia nia modelu ne’ebé inspira ita bei-beik.  
  • Ita nia serbisu ho haraik-an sei sai kle’an liu-tan no jenerozu liu-tan, karik ita serbí tanba domin ba Kristu no imita (halo tuir) Ninia hakaran ne’ebé profundo tebes atu lori salvasaun ba ema hotu-hotu. Reflete kona-bá motivu hosi ita nia serbisu.