16ª Semana Tempu Komun: Sesta feira, loron 24, fulan Jullu 2026, July 24, 2026

Reflection on the WORD

Maluk sira mak Kristu hadomi,

“Ita hadomi Maromak ho Fidelidade?”:Jesus hanorin aiknanoik kona-bá ema ne’ebé kari fini hodi fó hanoin mai ita kona-bá tipu sira fidelidade fiar nian ne’ebé diferente. Fini ne’ebé kuda iha dalan ninin; iha fatuk-lolon sira no ai-tarak laran; hotu-hotu failla Maromak iha provasaun oi-oin. Maibé fini ne’ebé monu iha rai di’ak fó fuan wa’in. Reflete; ita hadomi Maromak ho fidelidade boot ka ita abandona Nia iha susar sira?

Mt 13:18-23

18“Ne’e duni imi rona di-diak aiknanoik kona ba ema nebe kari fini iha to’os. 19Fini nebe monu iha dalan ninin hanesan ema nebe rona liafuan reinu nian maibe la hatene lolos. Ida nebe aat mai, no hasai buat nebe kuda tiha iha ema nia laran, 20Fini nebe monu iha fatuk laran mak ida nebe rona liafuan hodi simu kedas ho ksolok. 21Maibe tan abut la iha, nia mate lalais; hetan tiha susar eh terus tamba liafuan, nia monu kedas. 22Fini nebe monu iha aitarak laran mak ida nebe rona liafuan maibe knaar sira no rikusoi mundu ne’e nian hanehan liafuan ne’e; halo nia la fo fuan. 23Fini nebe monu iha rai diak mak ida nebe rona liafuan hodi hanoin di-diak: ida ne’e fo fuan dala atus ida, ka ne’en nulu, ka tolu nulu.”

Today's Pointers on God's Word

As you read the passage what words, phases or meanings caught your attention?

  • Jesus Nia aiknanoik sira laos de’it atu hatudu lia-los, maibé mos husik/konvida ita atu reflete oinsá lialos ne’e aplika iha ita nia moris. Iha tempu ne’ebé hanesan sira mos permite Espíritu Santu Nia inspirasaun atu haroman no hametin ita. 
  • Ita loke-an duni ba Maromak Nia Futar Liafuan no lialos ne’ebé mai ita iha dalan ne’ebé diferente hodi dezafia no inspira ita iha ita nia moris lor-loron? 
  • Rai ida-idak ne’ebé diferente iha aiknanoik ne’e dezafia ita atu sai neon moris (konxiente) liu-tan kona-bá saida mak ita nia relasaun atuál ho ita nia Na’i. Reflete kona-bá aiknanoik ida ne’e no ko’alia ba Na’i ho maneira pesoal.