16ª Semana Tempu Komun: Kinta-feira, loron 23, fulan Jullu 2026, July 23, 2026

Reflection on the WORD

Maluk sira mak Kristu hadomi,

“Fiar Kle’an Iha Jesus”:Jesus haklaken ba Nia eskolante sira,“Ba imi, Maromak fó hatene tiha mistériu sira reinu lalehan nian.” Reflete; wainhira ita iha fiar, esperansa no domin ne’ebé kle’an ba Jesus; Espíritu Santu sei bele revela Mistériu sira Maromak Nian mai ita no ita nia moris sei nakonu ho hanoin sira divinu nian no sabedoria ne’ebé intelijénsia (matenek) sekular labele fó.

Mt 13:10-14,16-17

10Eskolante sira hakbesik ba Nia dehan: “Tansa Ita koalia ba sira ho aiknanoik?  11Nia hatan ba sira: “Ba imi, Maromak fo hatene tiha misteriu sira reinu lalehan nian maibe ba sira lae. 12Basa ba ida nebe iha ona, sei fo tan atu nia iha liu tan; maibe ida nebe la iha, buat uitoan mos nebe nia iha sei hasai tan housi nia. 13Tan ne’e mak Ha’u koalia ba sira ho aiknanoik, basa sira hateke dau-daun, maibe la hare; sira se tilun dau-daun maibe la rona, ka hatene los. 14Nune’e sei sai duni tuir Profeta Isaias nia lia nebe dehan: ‘Imi rona ho tilun, maibe la hatene los; imi hare ho matan, maibe la hare mos. 16Maibe ksolok ba imi nia matan basa sira hare; no ba imi nia tilun basa sira rona. 17Tebes, Ha'u’dehan ba imi katak profeta no ema diak barak hakarak teb-tebes hare buat nebe imi hare dau-daun, maibe la hare; no rona buat nebe imi rona, maibe la rona.”

Today's Pointers on God's Word

As you read the passage what words, phases or meanings caught your attention?

  • Fiar mak don (prezente) ida hosi Maromak. Iha Evangelho ohin nian, Jesus afirma katak ba sira ne’ebé mak iha fiar, sei hetan liu-tan. Se ita prátika ita nia fiar ho ativu, ita sei deskobre Maromak Nia domin inkondisional no pesoal mai ita no buras bebeik iha Nia grasa no santidade. 
  • Maibé karik ita hili hodi rejeita Maromak Nia fiar (don/prezente) no grasa sira, ikus mai ita sei lakon bensaun sira hotu ne’ebé Nia haraik mai ita, tan ita destroi tiha ona sira liu-hosi opsaun sira ne’ebé ita hili no dalan sira ne’ebé sentradu iha ita nia-an rasik (hanoin ita nia-an rasik). 
  • Reflete kona-bá ita nia moris no husu ba ita nia-an rasik oinsá ita nia prontidaun (vontade) no laran manas atu lee, reflete no simu Maromak Nia Futar Liafuan. Ita saran-an ba ida ne’e ho konfiansa no reverénsia (hahí)?