DGEMs

Maluk sira mak Kristu hadomi,

“Relasaun presiozu ho Maromak”:Jesus haklaken katak relasaun sira ne’ebé iha valor aas ne’ebé Aman Maromak hafólin mak sira ne’ebé hadomi Niaho laran no neon tomak no ho fidelidade. Reflete; relasaun sira ema nian hola parte esensial iha ita nia moris. Maibé ita nia relasaun ho Maromak mak kle’an liu no rohan-laek. Relasaun ida ne’e mak ita nia identidade nu’udar Nia oan no moris rohan-laek nu’udar ita nia uman lolos.

Jesus nia parenti los

46Wainhira Nia sei koalia dau-daun ba ema lubun boot, Nia inan ho Nia maun alin sira to’o mai iha liur hodi buka atu koalia ho Nia. 47Ema ida dehan ba Nia: “Ita nia inan no Ita nia maun alin sira hakarak koalia ho Ita”. 48Jesus hatan ba ida nebe koalia ba Nia: “Se mak Ha’u nia inan, se mak Ha’u nia maun alin sira?” 49Hafoin Nia lolo liman ba nia eskolante sira hodi dehan: “Sira ne’e mak Ha’u nia inan no Ha’u nia maun alin sira. 50Basa ema hotu nebe halo tuir Ha’u Aman lalehan nia hakarak, ema ne’e mak Ha’u nia maun, Ha’u nia feton no Ha’u nia inan.”