16ª Semana Tempu Komun: Segunda-feira, loron 20, fulan Jullu 2026, July 20, 2026

Reflection on the WORD

Maluk sira mak Kristu hadomi,

“Buka Maromak-Motivu Impuru sira”:Jesus haksi’ak ema Eskriba sira no Farizeu sira, basá sira husu Jesus atu hatudu ba sira sinal ruma, hodi nune’e sira bele fiar iha Nia. Jesus Nia resposta lekar sai sira nia laran makerek. Reflete; wainhira ita hakiak relasaun espiritual ho Jesus ho fuan ne’ebé sinseru (moos), Nia sei hadomi ita rohan-laek. Maibé wainhira ita koko hodi manipula Nia; ita hetan konsekuénsia hosi ita nia hahalok aat sira.”

Mt 12:38-42

Sinal Jonas nian

38Iha oras ne’e eskriba no fariseu balun dehan ba Nia: “Mestre, ami hakarak hare sinal ida housi Ita.” 39Nia hatan ba sira: “Ema laran aat no sala foer na’in husu sinal ida; maibe sei la fo sinal ida ba nia; sei fo deit sinal profeta Jonas nian. 40Hanesan Jonas hela iha ikan boot nia kabun laran ba loron tolu no kalan tolu, nune’e mos Oan Mane sei hela iha rai laran ba loron tolu no kalan tolu. 41Iha loron justisa nian, ema Ninive sira sei hamriik hasouru derasaun ne’e hodi tesi lia todan ba nia, basa sira halo penitensia wainhira sira rona Jonas nia liafuan; maibe iha ne’e iha Ida nebe boot liu fali Jonas. 42Iha loron justisa nian, liurai feto reinu tasi mane nian sei hamriik hasouru derasaun ne’e hodi tesi lia todan ba nia, basa nia mai housi rai ikun atu rona Salomao nia matenek; maibe iha ne’e iha Ida nebe boot liu fali Salomao!”

Today's Pointers on God's Word

As you read the passage what words, phases or meanings caught your attention?

  • Ema Niniveh sira rekoñese Maromak Nia alerta (adverténsia) wainhira Jonas ko’alia ba sira no sira hakribi sira salan. Farizeu sira rejeita atu simu milagre sira no sinal sira ne’ebé Jesus halo tan sira iha fuan no neon ne’ebé prejuizu. Sira rejeita Jesus no sei la muda sira nia hahalok aat sira.
  • Hanesan alerta maka’as ne’ebé Jesus fó ba Nia jerasaun sira iha tempu uluk nian aplika mos ba ema se de’it ne’ebé profesa simu Jesus nu’udar Maksoin no Mestre, maibé kontinua laran malirin ka halo sira nia estillu moris nian ne’ebé sentradu ba valor sekular sira duké valor Evangelho sira. 
  • Reza atu hetan grasa neon moris no simu inspirasaun sira Espíritu Santu nian no hetan grasa atu fiel ba Kristu Nia hanorin sira iha ita nia moris.