16ª Semana Tempu Komun: Domingu, loron 19, fulan Jullu 2026, July 19, 2026

Reflection on the WORD

Maluk sira mak Kristu hadomi,

“Disernimentu Maromak Nia Hakaran”-Fiar:Jesus haklaken aiknanoik kona-bá “trigu no du’ut aat” hodi alerta mai katak iha disernimentu Maromak Nia hakaran labele fóti konkluzaun lalais liu wainhira sinal sira hosi Maromak Nia hakaran la klaru. Reflete; Maromak sei la failla atu revela Nia hakaran mai ita; maibé ita nia disernimentu tenke sentradu iha Kristu: sinseru, prudente no sentradu iha Maromak.

Mt 13:24-30

Aiknanoik du’ut aat nian

24Nia dehan tan aiknanoik ida ba sira: “Reinu lalehan nian hanesan ema ida nebe kuda fini diak iha nia to’os; 25maibe wainhira nia emar sira toba dau-daun, nia funubalun mai kuda du’ut aat iha trigu le’et, hafoin nia ba tiha. 26Wainhira trigu sai boot tiha hodi fo fuan, du’ut aat mos mosu. 27To’os na’in nia atan sira mai buka nia hodi dehan ba nia: ‘Na’i, ita boot la kuda fini diak iha ita nia to’os? Du’ut aat mai housi nebe?’ 28Nia hatan: ‘Ha’u nia funubalun ruma mak halo buat ne’e.’ Atan sira dehan ba nia: ‘Ita boot hakarak ami ba fokit tiha nia?’ 29 ‘Lae,’ nia dehan, ‘keta halo be hodi fokit du’ut aat, imi fokit mos trigu. 30Husik sira rua moris hamutuk ba; loron ko’a hare nian to’o mai mak ha’u sei dehan ba to’os atan sira: ‘Hili uluk du’ut aat ba hodi futu hamutuk atu sunu; trigu fali, halot tiha iha ha’u nia hoka.’”

Today's Pointers on God's Word

As you read the passage what words, phases or meanings caught your attention?

  • Iha aiknanoik ohin nian, Jesus dehan katak fini mak Maromak Futar Lia-fuan no du’ut aat mak sala no buat aat iha mundu ne’ebé hale’u ita no buka hodi influénsia ita atu sees hosi dalan Maroman Nian.
  • Jesus hanorin katak ita presiza tau-matan (kuidadu) Maromak Nia Futar Lia-fuan ne’ebé kuda ona iha ita nia laran. Maromak Nia Futar Lia-fuan lori moris, maibé sala no buat aat mundu sekular bele distroi no prevene ita hosi moris tuir Jesus Nia valor Evangelho sira. 
  • Wainhira ita termina ita nia moris iha mundu ida ne’e, ita hotu-hotu sei hamriik iha Maromak futar oin hodi hatan ba Nia oinsá ita hala’o tiha ona ita nia moris iha mundu ne’e. Harohan ba grasa atu reziste tentasaun sira mundu nian no grasa atu haboot ita nia hakarak hodi halo buat ne’ebé haksolok Na’i.