DGEMs

Maluk sira mak Kristu hadomi,

“Futu-Lia atu Oho Jesus”-Fiar: Ema Farizeu sira futu-lia atu oho Jesus. Iha Jesus Nia haraik-an, Nia hases-an tiha hosi sira. Reflete; sala fóti-an nian bele hadelek ita nia matan no buat aat ne’ebé mos bele lori ita ba futu-lia atu oho ita nia Maksoin. Maibé, virtude haraik-an nian bele loke ita nia fuan hodi identifika ita-an ho Jesus no hasoru persegisaun no mate, sein ta’uk.

14Sai tiha ba liur, fariseu sira hahu lia tuir malu oin sa atu halakon Nia. 15Tan  hatene ona ida ne’e, Jesus hadook An tiha housi fatin neba. Ema barak tuir Nia no Nia fo isin diak ba sira hotu, 16hodi hateten ba sira atu la bele fo hatene ba ema ida. 17Nune’e sai tuir duni buat nebe profeta Isaias dehan nanis: 18“Ha’u nia atan mak ne’e, nebe Ha’u fihir, Ha’u nia doben nebe  haksolok Ha’u nia laran teb-tebes. Ha’u sei tau Ha’u nia Espiritu ba Nia, Nia sei haklaken justisa ba nasaun sira. 19Nia sei la istori malu ho ema eh hakilar; ema ida sei la rona Nia lia iha dalan sira. 20Nia sei la silu tohar tan fafulu nebe atu tohar ona, sei la hu’u mate kabas ahi oan nian nebe sei suar, to’o Nia atu halo justisa manan. 21Iha Nia naran mak nasaun sira sei tau sira nia esperansa.”