DGEMs

Maluk sira mak Kristu hadomi,

“Mesias Nia Prezensa”-Fiar:Ema Farizeu sira kestiona (litik) Jesus kona-bá Nia eskolante sira ne’ebé la kumpri Lei Moises nian, basá sira silu batar fulin no haan iha loron Sábadu. Jesus hatan ba sira katak Nia nu’udar Mesias ne’ebé hamutuk ho sira mak boot liu fali Moises nia lei hotu. Reflete; ita nia moris no fiar harí iha Jesus Nia prezensa, protesaun no providénsia?

Silu batar, fo isin diak iha loron Sabadu

 1Iha loron Sabadu ida Jesus liu housi to’os batar ida. Nia eskolante sira hamlaha; tan ne’e sira hahu silu batar hodi han. 2Hare tiha ne’e, fariseu sira dehan ba Nia; “O nia eskolante sira halo dau-daun buat nebe bandu iha loron Sabadu!” 3Nia hatan ba sira: “Imi la le’e buat nebe David halo, wainhira nia hamlaha. Nia ho nia maluk sira? 4Oin sa nia tama iha Maromak nia uma hodi han paun sakrifisiu nian, nebe  bandu ba nia no ba nia maluk sira; amlulik sira deit mak bele han? 6Ha’u dehan ba imi katak iha ne’e iha Ida nebe boot liu templu. 7Imi hatene karik lia ne’e katak sa: ‘Ha’u hakarak laran luak, la’os sakrifisiu,’ imi sei la tesi lia todan ba sira nebe sala laek. 8Basa Oan Mane mos Sabadu nia Na’in.”