15ª Semana Tempu Komun: Kuarta Feira, loron 15, fulan Jullu 2026, July 15, 2026
Reflection on the WORD
Maluk sira mak Kristu hadomi,
“Maromak Nia Sabedoria”-Fiar:Jesus harohan, “Aman, Na’i lalehan no rai nian, Ha’u hahí Ita tan Ita subar tiha buat hirak ne’e ba ema matenek no neon na’in sira hodi hatudu ba kiik oan sira. Reflete; Jesus Nia sabedoriaboot liu fali ita ema nia komprensaun. Reza ba grasa sabedoria atu haraik-an liu-tan, diserne liu-tan no fóka liu-tan ba Maromak iha ita nia hakaran sira no mehi sira iha ita moris lor-loron.
Mt 11:25-27
Jesus ho Aman
25Iha oras neba Jesus dehan: “Aman, Na’i lalehan no rai nian, Ha’u hahi Ita tan Ita subar tiha buat hirak ne’e ba ema matenek no neon na’in sira hodi hatudu ba kiik oan sira. 26Los duni, Aman, tan Ita hakarak duni nune’e. 27Ha’u Aman tau tiha buat hot-hotu iha Ha’u liman; ema ida la hatene Oan, Aman deit mak hatene; nune’e mos ema ida la hatene Aman, Oan deit mak hatene, no mos ema nebe Oan hakarak hatudu ba nia.”
Today's Pointers on God's Word
As you read the passage what words, phases or meanings caught your attention?
- Iha Evangelho ohin nian, Jesus agradese ba Aman Maromak, basá Nia revela Nia sabedoria no koñesimentu ba sira ne’ebé ho simplidade no fuan ne’ebé haraik-an hanesan labarik ida. Dispozisaun ida ne’e loke ita nia fuan ba Maromak Nia grasa no lialos.
- Jesus fó hanoin katak fóti-an intelektual nian taka ita nia neon ba Maromak Nia domin no lialos. Fóti-an intelektual mak abut ba sala sira ne’ebé halo ita nia fuan no neon malirin no indiferente (la hatudu interese, la preokupa, no la sente buat ida) ba Maromak no ema sira ne’ebé hale’u ita, liu-liu ba sira ne’ebé kiak no kbiit laek (mukit).
-
Ita simu Maromak Nia Futar Lia ho fiar ne’ebé simples no haraik-an ka lae? Harohan ba Jesus atu haraik grasa simplisidade hanesan labarik sira no pureza fiar nian atu bele hadomi no hatene Maromak iha maneira pesoal (enkontru pesoal).