15ª Semana Tempu Komun: Segunda Feira, loron 13, fulan Jullu 2026, July 13, 2026

Reflection on the WORD

Maluk sira mak Kristu hadomi,

“Kompromisu total”-Fiar:Jesus haklaken ba Nia Apóstolu sira kompromisu radikal Evangelho nian ne’ebé ezije hakore-an hosi família. No atu tuir Nia hodi lori Nia krus nune’e atu soin sai Nia apóstolu. Reflete; iha Jesus Nia Lia-Fuan Di’ak, ita tenke hadomi ita nia aman no inan sira. Maibé ita tenke hadomi Maromak Nia hakaran no Nia misaun ho kompromisu ne’ebé boot liu-tan.

Mt 10:34-40

34“Keta hanoin katak Ha’u mai rai atu lori dame; Ha’u mai atu lori, la’os dame, maibe surik. 35Basa Ha’u mai atu haketak oan mane housi nia aman, oan feto housi nia inan no feto foun housi nia banin feto, 36hodi halo ema nia parenti sira rasik sai ninia funubalun. 37Ema nebe hadomi nia aman ka nia inan liu fali Ha’u, nia la soi Ha’u; no ema nebe hadomi oan mane ka oan feto liu fali Ha’u la soi Ha’u. 38Ema nebe la lori nia krus hodi tuir Ha’u, nia la soi Ha’u. 39Ema nebe hadomi nia moris, sei lakon nia; no ema nebe lakon nia moris tamba Ha’u, sei hetan fali nia.” 40“Ema nebe simu imi, simu Ha’u; ema nebe simu Ha’u, simu Ida nebe haruka Ha’u mai.

Today's Pointers on God's Word

As you read the passage what words, phases or meanings caught your attention?

  • Jesus dehan “ema ne’ebé mak la lori nia kruz no la la’o tuir Ha’u Nia ain-fatin mak la soi mai Ha’u. 
  • La’o tuir Jesus Nia ain-fatin sai dezafiu mai ita ho saida mak Jesus rasik moris no tane aas. Tuir Kristu signifika buat hotu ka la iha buat ida; ita labele serbí Maromak no mos preokupa ho rikusoin material nian.  
  • Jesus bolu ita ida-idak atu “lori ita nia kruz” ba moris ne’ebé kompletu liu. Ho Maromak Nia grasa sira, ita hetan konvite atu lori ita nia terus sira, aflisaun sira, moras sira, dezapontamentu sira, solidaun, ema ne’ebé ita hadomi nia mate, problema família nian no buat sira seluk tan no halibur sira ho Kristu Nia terus iha kruz.