13ª Semana Tempu Komun: Kinta feira, loron 2 fulan Jullu 2026, July 2, 2026

Reflection on the WORD

Maluk sira mak Kristu hadomi,

“Maromak Nia Milagre sira”-Fiar:Atu hatudu ba Eskriba sira ne’ebé dúvida katak Jesus iha kbiit atu perdua salan, Jesus haraik isin di’ak ba ema moras isin maten. Reflete; karik ita reflete kle’an kona-bá ita nia moris, ita sei deskobre katak Maromak serbisu tiha milagre barak ba ita no ita nia família sira. Maibé tansá ita iha nafatin dúvida ba Nia? Ita iha fuan ne’ebé kompremetidu atu moris tuir Maromak Nia hakaran no Nia dalan sira?

Mt 9:1-8

Ema moras isin mate hetan diak

1Sa’e tiha ro ida, Jesus hakur tasi hodi to’o ba ninia sidade. 2Sira hatudu ba Nia ema isin mate ida, toba hela iha tobafatin ida. Hare tiha sira nia fiar, Jesus dehan ba ema moras ne’e: “Oan, aten berani ba, o nia sala sira hetan ona perdua.” 3Eskriba sira balun dehan iha sira nia laran: “Ema ne’e hateten aat Maromak” 4Hatene tiha sira nia hanoin, Jesus dehan ba sira: “Tansa imi hanoin aat iha imi nia laran? 5Ida nebe mak lalais liu atu dehan: ‘O nia sala sira hetan tiha perdua,’ ka dehan ‘O hamriik, la’o ba’? 6Diak, atu imi hatene katak iha rai ne’e Oan Mane iha kbiit atu kasu sala,” Nia dehan ba ema isin mate: “Hamriik ba, foti o nia hadak, la’o ba o nia uma.” 7Nia hamriik hodi la’o ba nia uma. 8Hare tiha ne’e, ema lubun tauk tebtebes hodi hasa’e gloria ba Maromak nebe fo kbiit ida hanesan ne’e ba ema sira.

Today's Pointers on God's Word

As you read the passage what words, phases or meanings caught your attention?

  • Wainhira ita reflete kona-bá ita nia moris, ita tenke simu katak dala barak ita la halo tuir buat ne’ebé Maromak hakarak ho dalan ne’ebé diferente; ita hakarak halo di’ak, maibé ita falla atu prátika wainhira ita hetan oportunidade.
  • Ita sente triste no hirus ita nia-an rasik no ema seluk wainhira ita la halo tuir Maromak Nia hakaran. Maibé Maromak nafatin perdua ita nia salan sira sein kondisaun (inkondisionalmente). Ita labele uza prezente divinu ida ne’e tuir ita nia hakarak de’it. 
  • Hanoin hikas fali tempu sira ne’ebé ita la halo tuir Maromak Nia hakaran no husu ba ita-an “Se mak Maromak ida ne’e, ne’ebé sempre perdua ita? Oinsá ha’u hakbesik-an ba Maromak ida ne’e? Oinsá ha’u bele hala’o ha’u nia moris ida agora ne’e diferente?