DGEMs

Maluk sira mak Kristu hadomi,

“Moris tuir Fiar – Hahalok”: Jesus haklaken, “Ema hotu ne’ebé rona Ha’u nia Liafuan no halo tuir, sei sai hanesan ema ne’ebé iha matenek ne’ebé harii nia uma iha fatuk leten. . . Maibé, se nia la halo tuir . . .nia hanesan ema beik ida ne’ebé harii nia uma iha rai-henek leten.” Reflete; “Profundidade husi ita-nia kompromisu atu hadomi Maromak; tenke hatudu iha kualidade iha ita-nia morisloro-loron nian: iha tempu di’ak no iha tempu aat.”

Jesus dehan ba nia eskolante sira: “La’os ema hotu ne’ebé dehan mai ha’u: ‘Na’i, Na’i!’ sei tama iha reinu lalehan, maibé nia de’it ne’ebé halo tuir Ha’u Aman iha lalehan nia hakarak. Ema barak sei dehan mai Ha’u iha loron neba: ‘Na’i, Na’I, la’os hodi itaboot nia naran mak ami si’ik nu’udar profeta, no hodi ita naran mak duni sai tiha diabu sira, no mos halo milagre barak?’ Iha horas neba Ha’u sei hatan mo-mos ba sira: ‘Ha’u la hatene imi; hadook an tiha hosi Ha’u, imi sira ne’ebé halo aat.’ Ne’e duni, ema ne’ebé roan Ha’u nia liafuan hirak ne’e hodi moris tuir, nia hanesan ema matenek ne’ebé harii nia uma iha fatuk leten; Bainhira Jesus ko’alia hotu tiha, ema lubun hakfodak ho Nia hanorin, basa Nia hanorin sira hanesan ema ne’ebé iha kbiit, la’os hanesan eskriba no fariseu sira.