DGEMs

Maluk sira mak Kristu hadomi,

"To’os Boot" – Fé: Haree ba ema lubun boot; Ne’ebé laran susar no ema la tau matan, Jesus dehan, “ To’os boot , maibé servisu nain oitoan de’it.” Reflete;“ ema barak tebes mak lakon diresaun, sira la iha objetivu no laiha diresaun iha sira nia moris: sira la fiar iha Maromak no Jesus nia liafuan kona-bá salvasaun rohan la’ek. Oinsa mak Jesus konvida ita atu halo ema seluk koñese no hadomi Jesus?”

Hare tiha ema lubun boot, nia hanoin tebtebes sira basa sira kole no neon nakraik, hanesan bibi sira ne’ebé bibiatan la iha. Tan ne’e nia dehan ba eskolante sira: “To’os boot duni, maibé serbisu na’in uitoan. Ne’e duni imi harohan ba to’os na’in atu haruka serbisu na’in sira ba nia to’os.”

Nia bolu nia eskolante sira na’in sanulu resin rua hodi fo kbiit ba sira atu duni sai espiritu fo’er sira, no mos atu fo isin di’ak ba sira hotu ne’ebé terus moras oi-oin. Apostolu sira nia naran mak ne’e: ida uluk, Simao ne’ebé nia hanaran Pedro, ho nia alin Andre; Tiago, Zebedeu nia oan, ho nia alin Joao; Filipe ho Bartolomeu, Tome ho Mateus publikanu, Tiago, Alfeu nia oan, ho Tadeu, Simao Kananeu ho Judas Iskariotes, ne’ebé sei saran nia.

Jesus haruka ema na’in sanulu resin rua ne’e la’o ba hodi hanorin uluk sira dehan: “Keta tuir jentiu sira nia dalan, keta tama iha Samaritanu sira nia sidade, maibé buka uluk bibi sira ne’ebé lakon hosi umakain Israel nian. Tuir dalan, haklaken ba katak reinu lalehan besik ona. Halo moras sira hetan isin di’ak ba, halo mate sira moris hi’as fali ba, halo moras lepra sira sai mos, duni sai diabu sira. Imi simu hodi la selu, fo mos hodi la hein ema selu imi.