DGEMs

Maluk sira mak Kristu hadomi,

"Jesus – Laran-maus, Haraik-an”- Fé: Jesus dehan ba Nia disípulu sira, “ Mai besik Ha’u; imi hotu ne’ebé kolen tebes no todan tebes. Hau sei haraik kaman ba imi nia klamar: Hau laran maus no haraik-an. Reflete; “Iha terus, moras, no trauma sira iha moris, ita buka ajuda husi ema seluk; no buka gratifikasaun iha buat oioin. Maske nune’e, Dame ne’ebé loos no rohan la’ek de’it mak mai husi Jesus.”

Iha oras neba Jesus dehan: “Aman, Na’i lalehan no rai nian, Ha’u hahi ita tan ita subar tiha buat hirak ne’e ba ema matenek no neon na’in sira hodi hatudu ba ki’ik oan sira. Los duni, Aman, tan ita hakarak duni nune’e. Ha’u Aman tau tiha buat hot-hotu iha ha’u liman; ema ida la hatene Oan, Aman de’it mak hatene; nune’e mos ema ida la hatene Aman, Oan de’it mak hatene, no mos ema ne’ebé Oan hakarak hatudu ba nia.”

“Mai besik ha’u, imi hotu ne’ebé kole no terus; ha’u sei fo kmaan ba imi Simu ha’u nia ukun ba hodi banati tuir ha’u, tan ha’u laran kmaus no haraik an; no imi sei hetan hakmatek ba imi nia klamar. Basa ha’u nia ukun mamar, ha’u nia naha kmaan.”