DGEMs

Maluk sira mak Kristu hadomi,

“Autensidade ita -nia fiar nian”: Jesus haklaken diferente boot kona-bá domin autentiku no sakrifisiu husi feto faluk kiak nian; ho eskriba sira nia fiar hipókrita; ne’ebé foka ba sira nia “glória ba-an” no la’os ba Maromak nia Glória. Reflete; “Feto-faluk kiaknia fiar ka eskriba sira-nia ipokrizia reprezenta kle’an; prátika ita-nia fiar, esperansa no domin ba Maromak?

Jesus dehan hodi hanorin, ‘matan moris ba kona-bá escriba sira, ne’ebé hakarak la’o ho unuk nar-naruk atu ema kumprimenta sira iha merkadu, atu tur iha Sinagoga sira nia oin eh iha ema boot sira nia fatin iha festa. Sira ne’e tolan feto faluk sira nia uma, maski sira halo ema hare ho laran makerek katak sira reza barak. Sira ne’e sei hetan susar boot liu.

Nia tur iha osan fatin nia oin, hodi hare ema sira ne’ebé tau osan iha ne’eba. Ema riku sira tau osan barak. Feto faluk kiak ida mos mosu mai hodi tau osan rahun kiik rua. Osan ne’e nia folin kiik tebes. Jesus bolu nia eskolante sira hodi dehan ba sira, “Tebes ha’u dehan ba imi, feto faluk kiak ne’e tau barak liu fali sira seluk iha osan fatin, basa sira tau osan ne’ebé resin ba sira, maibé hosi nia kiak, buat hotu ne’ebé nia iha nia tau hotu, katak buat ne’ebé nia kuran atu moris.”