DGEMs

Maluk sira mak Kristu hadomi,

“Realidade husi Lalehan – fiar”: Saduseu sira ne’ebé lafiar iha resureisaun; husu ba Jesus kona-bá feto ne’e se los nia káben; ba maun-alin na’in hitu iha Lalehan?Jesus dehan, “Ita sei sai hanesan anju sira iha lalehan”. Reflete; “Nu’udar ema moris iha Lalehan; ita sei moris iha ksolokdivinu; iha Trindade nia prezensa ba Eternidade hotu”.

Tuir mai, Saduseu balun ne’ebé dehan katak la iha moris hi’as hakbesik Jesus hodi husu nia, “Mestre, Moises hakerek ba ami katak bainhira mane ida nia maun mate hodi husik nia kaben, la husik oan, mane ne’e sei hola feto faluk ne'e atu fo oan ba nia maun. Iha maun alin na'in hitu. Ida boot liu hola feto, hafoin nia mate, la hetan oan ida. Ida ne’ebé tuir nia hola feto faluk ne’e, maibé nia mos mate, la hetan oan. Nune'e mos ida ne’ebé tuir nia. Sira na'in hitu ne’e la hetan oan ida. Ikus mai feto ne'e mos mate. Iha moris hi’as, bainhira sira hotu sei moris fali, feto ne'e se los nia kaben, basa sira hotu hola nia?” Jesus hatan ba sira, “Imi hanoin sala teb-tebes! Imi la komprende Eskritura sira no Maromak nia kbiit. Basa bainhira sira moris hi’as hosi mate, sira la hola malu tan; sira sei sai hanesan anju sira iha lalehan.