DGEMs

Maluk sira mak Kristu hadomi,

“Duvida no Tauk – Fiar”: Autoridade templo nian sira husu Jesus atu justifika Ninia autoridade; tan duni sai negosiante osan husi Templo. Reflete: “Wainhira ita la moris-tuirMaromak ninia Lialos ho integridade no fidelidade; ita nia salan sei prevene ita atu iha konfiansa loos, no “Damen” klean husi Maromak; atu dezafiamaneira prátikafiar husi ema seluk nian.”

Iha tempu neba, Jesus no eskolante sira fila fali ba Jerusalem. Wainhira Jesus la'o dau-daun iha templu, amlulik boot sira no eskriba no katuas sira ba hasouru Nia. Sira dehan ba Nia, “Ho kbiit ida ne’ebé mak o halo  buat ne'e? Eh, ema se mak fó kbiit ba O atu halo buat hirak ne'e hotu?” 

Jesus hatan, “Ha’u sei husu buat ida de’it ba imi. Imi hatan mai Ha’u karik, Ha’u mos sei hateten ba imi ho kbiit ida ne’ebé los mak Ha’u halo buat ne'e hotu. João nia batizmu housi lalehan ka housi ema? Hatan mai Ha’u ba!” 

Sira haksesuk malu hodi dehan: “Ita dehan karik housi lalehan; Nia sei hateten ‘Tan sa imi lakohi fiar nia?’ Maibé ita hateten karik, ‘Housi ema,’ – sira tauk povu basá ema hotu fiar katak João ne'e profeta lo-los. Ne’e duni sira hatan ba Jesus dehan: “Ami la hatene.” Jesus dehan ba sira, “Ha’u mos la hateten ba imi ho kbiit ida ne’ebé los mak Ha’u halo buat hirak ne'e hotu.”