DGEMs

Maluk sira mak Kristu hadomi,

“Husu no Harohan ho Fiar”: Jesus dehan ba Ninia eskolante sira, “Se ema ruma dehan ba foho ne’e, ‘Sai husi ne’e no soe o an ba tasi laran, hodi la’os laran rua-rua, sei mosuduni ba nia. Reflete: “Se itania fiar iha Jesus klean; no ita hakarak atu hadomi no servíMaromak ho fuan tomak; ba Maromak Ninia Glória, saida de’it mak ita husu husiMaromak, Nia sei haraik mai ita.”

Iha loron neba, wainhira Jesus no eskolante sira sai housi Betania, Nia hamlaha. Sira haré housi dook ai figueira ida ho tahan barak. Nia hakbesik atu haré Nia bele hetan fuan ruma ka la’e. To'o tiha neba, Nia hetan tahan de’it, basá tempu atu ai figueira fó fuan seidauk to'o duni. Nia dehan: “Ema sei la han tan o nia fuan tinan ba tinan.” Nia eskolante sira rona buat sira ne'e hotu. 

Iha dader, wainhira sira liu housi neba, sira haré ai figueira namlaek ona to'o abut. Pedro hanoin hetan hodi dehan ba Nia, “Mestre, haré ba ai figueira ne’ebé Ita fó malisan namlaek ona.” 

Jesus hatan ba nia dehan: “Fiar Maromak ba! Tebes Ha’u dehan ba imi katak ema ne’ebé hateten ba foho ne'e, ‘Sai housi ne’e no soe o nia an ba tasi laran,’  hodi la namlele iha nia fuan maibé fiar katak buat ne’ebé nia dehan sei mosu, sei mosu duni ba nia. Ne’e duni, Ha’u dehan ba imi: buat ne’ebé imi reza hodi husu, fiar ba katak imi sei simu; nia sei mosu duni ba imi.