8ª Semana Tempu Komun: Kinta-feira, loron 28 fulan Maiu 2026, May 28, 2026

Reflection on the WORD

Maluk sira mak Kristu hadomi,

“Hakarak Jesus” – Fiar: Bartimeu ema matan delek, rona kona-ba Jesus liu husi neba. Nia hakilar makaas, “Jesus, sadia ha’u. Ema barak siak hodi haruka nia nonok. Maibé, nia hakilar makaas liu tan. Jesus kura nia. “Reflete: “Wainhira ema barak deskoraza ita atu buka Jesus; ita tenki buka ho fiar metin liu tan. Jesus sei rona ita.

Marcos 10: 46-52

Iha tempu neba, wainhira Jesus atu sa’e ona ba Jeriko ho Ninia eskolante sira ho ema lubun boot ida, ema matan delek ida, Bartimeu, (Timeo nia oan), tur iha dalan ninin, husu esmola. Wainhira nia rona katak Jesus Nazaré liu housi neba, nia hahú hakilar hodi dehan: “Jesus, David nia Oan, sadia ha’u!” Ema barak si’ak nia hodi haruka nia atu nonok, maibé nia hetok hakilar maka'as liu tan, “David nia Oan, sadia ha’u!” 

Jesus para hodi dehan: “Bolu nia mai.” Sira bolu nia dehan: “Aten berani ba, hamriik ba. Nia bolu o.” Nia soe nia lipa, hamriik kedas hodi la'o ba Jesus. 

Jesus lia tun ba nia dehan: “O hakarak Ha’u sei halo sa los ba o?” “Mestre,” ema matan delek ne'e hatan, “Halo Ha’u haré!” Jesus lia tun dehan: “Ba, o nia fiar soi o!” Nia haré kedas hodi la'o hamutuk ho Jesus iha dalan.

 

Today's Pointers on God's Word

As you read the passage what words, phases or meanings caught your attention?

  • Mane matan delek, Bartimeu la’os de’it rekonese Jesus nu’udar “David ninia Oan” maibé mos fiar katak Jesus bele restaura ninia matan delek. Ninia fiar no dejezu klean atu rekupera forte tebes to’o nia la rona ema barak sira-nia liafuan no husu Jesus ninia tulun. 
  • Ita nia moris lorloron iha similaridade influenciadu husi “ema barak” iha ita nia família, belun no parente sira etc ne’ebé ‘hirus’ no dezkoraza ita atu buka Jesus ninia tulun. 
  • Mai ita husu Jesus atu fo ita fiar klean ne’ebé ita presiza atu “enfrenta” lian aat sira atu nune’e ita sei buka Jesus ho korajen no totalidade liu iha presizu sira iha moris.